Eklesiastes 2:7 - MUMA MALER 2015

⁷ Ne ang’iewo wasumbni ma yawuowi gi ma nyiri, bende ne an gi wasumbni mamoko monywol e dalana. Ne an gi jamni moloyo ng’ato ang’ata mane osedak Jerusalem.

Motingʼo Loko Manyien

⁷ Ne angʼiewo jotich machwo kod mamon kendo ne an gi jotije mamoko mane onywol e oda. Bende ne an gi kweth mangʼeny mag dhok kod rombe moloyo ngʼato angʼata mane okuongona bedo jatelo e Jerusalem.

Eklesiastes 2:7 ပူးပေါင်းရင်းမြစ်များ

Chakruok 13:2

To Abram koro ne jamoko ahinya, ne en gi rombe gi diek gi dhok, kaachiel gi fedha kod dhahabu.

Chakruok 14:14

Kane Abram owinjo ni oseter Lut wuod owadgi e twech, nolwongo joge mia adek gapar gaboro, kendo nolawo ruodhigo nyaka Dan.

Chakruok 15:3

Kaka ok isemiya nyithindo, omiyo achiel kuom wasumba ema nocham mwanduna.”

1 Ruodhi 4:23

gi ruedhi apar machwe ma kwayo kama ochiel, gi ruedhi piero ariyo ma kwayo e lek, gi rombe mia achiel, kaachiel gi nyikeye, gi ngepe, gi mwendni, kod gwen machwe.

2 Ruodhi 3:4

Mesha ruodh Moab ne japith rombe, kendo higa ka higa nogolo rombe alufu mia achiel kod piende imbe alufu mia achiel.

2 Weche mag Ndalo 26:10

E thim bende nogeroe kuonde maboyo mag siro lweny, kendo nokunyo yewni mang’eny, nimar ne en gi jamni mathoth e piny gode kendo e piny pap, bende ne en gi jopur gi jopith mzabibu mane tiyone e gode kod kuonde momew, nikech nohero pur.

Ezra 2:55

Nyikwa jotich Solomon ne gin: joka Sotai, gi joka Hasofereth, gi joka Peruda,

Ezra 2:58

Jotich Hekalu, kaachiel gi nyikwa jotich Solomon ne romo ji mia adek gi piero ochiko gariyo.

Nehemia 7:57

Nyikwa jotich Solomon ne gin: joka Sotai gi joka Sofereth gi joka Perisa

Ayub 1:3

kendo ne en gi rombe alufu abiriyo gi ngamia alufu adek gi dhok alufu achiel kod kenje mia abich. To bende ne en gi jotich mogundho. Kamano ne en ng’at momewie moloyo ji duto ma nodak e pinje man yo wuok chieng’.

Ayub 42:12

Achien Ruoth Nyasaye noguedho Ayub moloyo kaka noseguedhe e ndalo mokwongo. Ayub koro ne nigi rombe alufu apar gang’wen, gi ngamia alufu auchiel gi dhok alufu ariyo, kod kenje alufu achiel. Ne en gi yawuowi abiriyo gi nyiri adek.

Luka 12:45

To ka en jatich ma paro e chunye ni ruodhe ok bi duogo piyo, to onyalo chako goyo jotich wetene, machwo gi mamon, kendo dochiem achiema, mi omethi, kendo omer.