Eklesiastes 2:22 - MUMA MALER 2015

²² Ere ohala ma ng’ato yudo kuom tichne matek duto ma obarorego ndasi e piny ka?

Motingʼo Loko Manyien

²² En angʼo ma ngʼato yudo kuom tije matek motimo e bwo wangʼ chiengʼ?

Eklesiastes 2:22 ပူးပေါင်းရင်းမြစ်များ

Zaburi 127:2

Bende onge tiende tiyo matek mondo uyud chiemo, kuchiew gokinyi mang’ich, kendo kudhi nindo molewo, nimar Ruoth Nyasaye ema miyo nindo tero ng’at mohero.

Ngeche 16:26

Kech makayo jatich miyo otiyo matek mondo oyud chiemo.

Eklesiastes 1:3

Ere ohala ma dhano yudo kuom gik moko duto motimo e piny ka?

Eklesiastes 2:11

To bang’e ne aparo gik moko duto mane asetimo, kendo kaka ne asetiyo matek katimogi, mi afwenyo ni gin mana gik manono, machalo yamo makadho.

Eklesiastes 3:9

Ka kamano, to ere ohala ma dhano yudo kuom tichne duto?

Eklesiastes 4:6

Mano nyalo bedo adier, to bedo gi chiemo moromo teng lwedo gi chuny mokue ber moloyo bedo gi chiemo moromo lwedo ariyo, to gi tich mang’eny maturi kayiem nono.

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Eklesiastes 5:17

Wadak e mudho, ka chunywa lit kendo ka waluor, bende ka wakecho kendo ka watuo.

Eklesiastes 8:15

Kuom mano, aneno ni ng’ato nyaka cham raha, nikech onge mor ma dhano nigo mak mana chiemo gi metho kod chamo mwandune. Mano e pok moyudo kuom tich matek motiyo e kinde ma Nyasaye omiyego ngima e piny ka.

Mathayo 16:26

Ere ohala ma ng’ato nyalo yudo, konwang’o piny duto, to owito ngimane? Koso ang’o ma ng’ato nyalo chiwo kar ngimane?

Mathayo 6:11

Miwa chiemo moromowa kawuono,

Mathayo 6:25

“Mano emomiyo awachonu ni kik uparru kuom gima ducham kata ma dumadhi mondo ubed mangima, kata kuom lewni ma durwaki mondo uumgo dendu. Donge ngima duong’ moloyo chiemo? Koso ringruok donge oloyo law?

Mathayo 6:34

Kuom mano, kik uparru kuom gik ma kiny notimre kiny, nikech kiny nobed gi mage owuon. Odiechieng’ kodiechieng’ nigi chandruokne morome.

Luka 12:22

Yesu nowacho ni jopuonjrene niya, “Mano emomiyo awachonu ni kik uparru kuom chiemo ma ducham mondo ubed mangima, kata kuom lewni ma durwaki mondo uumgo dendu,

Luka 12:29

Kuom mano kik uket parou kuom gik ma ducham, kata kuom gik ma dumadhi. Bende kik ubed gi parruok,

1 Jo-Korintho 16:16

Koro akwayou owetena, ni mondo uyie bet e bwo joma kamago, kendo e bwo ng’ato ka ng’ato ma bende tiyo tich Nyasaye matek.

Jo-Filipi 4:6

omiyo kik upar gimoro, to nyisuru Nyasaye gik moko duto muchando, kulemo kendo ka chunyu goyone erokamano.

1 Timotheo 6:8

Omiyo, ka wan gi chiemo kod lewni, to mago mondo oromwa.

1 Petro 5:7

Keturu parruok duto ma un-go kuome, nikech oparou.