Eklesiastes 2:18 - MUMA MALER 2015

¹⁸ Ne ajok gi gik moko mane lucha ochwerie, ka atimo e piny ka, nikech ne ang’eyo ni nawegi ni ng’at moro mabiro luwo bang’a.

Motingʼo Loko Manyien

¹⁸ Ne asin gi gik moko duto mane asenyagora godo e bwo wangʼ chiengʼ, nikech nyaka ne awegi ne ngʼatno mabiro bangʼa.

Eklesiastes 2:18 ပူးပေါင်းရင်းမြစ်များ

Zaburi 17:14

Ee, resa gi tekoni kuom joma nigi gik moko duto mag pinyni. Kumgi gi masiche ma isechano ni ibiro kumogigo. Mad nyithindgi bende yud kum moromogi, mi moko dong’ ni nyikwagi!

Zaburi 39:6

Okadho mana ka tipo! Mwandu duto mochoko chalo muya maduono, to bende okia ng’ama nochamgi.

Zaburi 49:10

Oneno ni kata joma riek bende tho, mana ka joma ofuwo kod joma oming’, kendo mwandugi dong’ mana ni jomoko nono.

Eklesiastes 1:13

Ne aketo chunya kuom nono tiend gik moko duto matimore e piny mondo apuonjra tiendgi, mi ayudo ni tich ma Nyasaye osemiyo dhano mondo onyagrego e piny ka lit ahinya.

Eklesiastes 1:3

Ere ohala ma dhano yudo kuom gik moko duto motimo e piny ka?

Eklesiastes 2:11

To bang’e ne aparo gik moko duto mane asetimo, kendo kaka ne asetiyo matek katimogi, mi afwenyo ni gin mana gik manono, machalo yamo makadho.

Eklesiastes 2:21

nikech kata obedo ni ng’ato timo gimoro gi riekone gi ng’eyone kod lonyne duto, to nyaka owe gino ni ng’at moro machielo mane luche ok ochuerie. Mano bende en gima nono, kendo ma ok owinjore!

Eklesiastes 2:26

Nyasaye ema miyo joge mohero rieko gi ng’eyo kod mor. Joricho to omiyo tiyo matek ka choko mwandu mana ni mondo mwandugo omi mana ng’ama ohero moloyo. Emomiyo mano bende en mana gima nono ka yamo makadho.

Eklesiastes 3:22

Kuom mano, ne afwenyo ni kara gima dhano nyalo timo en mana chamo mwandu moseyudo, nikech mano ema Nyasaye osemiye, nimar ok onyal ng’eyo gima biro timore ka osetho.

Eklesiastes 4:3

To joma johawi moloyo joma osetho gi joma pod ngima gin jogo ma pok onywol, kendo ma pok oneno timbe maricho matimore e pinyni.

Eklesiastes 5:18

Kuom mano, asefwenyo ni gima ber ma dhano nyalo timo en mana chiemo gi metho kod chamo mwandu moseyudo kuom kinde matin ma Nyasaye omiye mondo odaggo e piny ka. Mano e gima Nyasaye oseketo ni dhano.

Eklesiastes 9:9

Cham ngima gi chiegi e ndalo duto ma idak e ngima manono ma Nyasaye omiyini, nimar mano kende e gima niyudi kuom chandruok michandorigo e piny ka.

Luka 12:20

To Nyasaye nowacho ni ng’atno niya, ‘In ng’at mofuwo! Otieno ma kawuononi ang’ nokaw chunyi! To koro gik misekanogo duto biro konyi gang’o?’ ”

1 Jo-Korintho 3:10

Kuom mich mar Nyasaye mane omiya kuom ng’wonone, ne aketo mise ka jagedo molony, kendo koro ng’at machielo gedo kuom miseno. To ng’ato ka ng’ato nyaka non maber kaka ogedo kuom miseno.