Eklesiastes 2:16 - MUMA MALER 2015

¹⁶ Onge ng’ama paro joma riek kosetho, mana kaka joma ofuwo bende ok par. Wan duto wich biro wil kodwa e ndalo mabiro. Joma riek gi joma ofuwo nyaka tho duto machalre. Ee, waduto nyaka watho!

Motingʼo Loko Manyien

¹⁶ Mana kaka ngʼama ofuwo ok par, e kaka ngʼama nigi rieko bende ok par; nikech e ndalo mabiro ok nopargi giduto. Ngʼama ofuwo gi ngʼama riek, giduto gibiro tho machalre!

Eklesiastes 2:16 ပူးပေါင်းရင်းမြစ်များ

2 Samuel 3:33

Ruoth noywago Abner, kawacho niya: “Yaye Abner! Bende owinjore itho kaka ng’ama ofuwo adier?

Zaburi 103:16

Bang’e yamo kudhe, kendo tere mabor, mi ng’ato ok chak nene kendo.

Zaburi 49:10

Oneno ni kata joma riek bende tho, mana ka joma ofuwo kod joma oming’, kendo mwandugi dong’ mana ni jomoko nono.

Zaburi 88:12

Bende honni mitimo nenore kama otimo mudhono? Koso bende ng’wononi nenore e piny ma wich owilgono.

Wuok 1:6

Bang’e achien, Josef gi owetene kod tieng’no duto notho.

Wuok 1:8

Koro ruoth manyien mane ok ong’eyo wach Josef nochako tich e Misri.

Ngeche 14:8

Rieko mar ng’at mariek, nyise yo makare monego oluw, to fup joma omemore, miyo gibayo yo.

Eklesiastes 1:11

Tieng’wani ok par joma chon, mana kaka tieng’ mabiro luwo bang’wa ok noparwa.”

Eklesiastes 2:14

Ji mariek nyalo neno kuma dhiye. Joma ofuwo to ok nyal neno. To kata kamano ang’eyo bende ni waduto wachomo mana kamoro achiel.

Eklesiastes 2:15

Ne aparo e chunya ni gima timore ni joma ofuwo biro timore ni an bende. Kuom mano, koro onge gimoro kata achiel ma abiro yudo kuom bedo mariek. En mana thagruok kayiem nono.

Eklesiastes 6:8

Koro ere ber ma ng’ama riek neno, moloyo ng’ama ofuwo? Koso ere gima ber ma jachan nigo kuom gik moseng’eyo ma doritrego e ngimane?

Eklesiastes 7:2

Ber dhi e dala ma iywagoe ng’at motho, moloyo dhiyo kama itimoe mor, nikech pile joma ngima nyaka par ni tho ema ochikowa waduto.

Eklesiastes 8:10

Bende ne aneno ka joricho biro, kendo donjo adonja Kama Ler. To kata kamano ne giwuotho awuotha e dala koni gi koni, ka gisungore ni gima gisetimono ok rach. To mano bende en tim manono.

Eklesiastes 9:15

To e dalano ne nitie ng’at moro modhier, to kata obedo ni nodhier kamano, ne oriek ahinya, ma dine oreso dalano, to onge ng’ama ne opare kata paro nono.

Eklesiastes 9:5

Chutho, joma ngima ong’eyo ni gibiro tho. Joma otho to ok ong’eyo gimoro kata matin! Onge pok ma gibiro chako yudo, kendo wich owil kodgi chuth.

Malaki 3:16

Kane joma oluoro Ruoth Nyasaye owinjo wechego, ne giwuoyo e kindgi giwegi, kendo Ruoth Nyasaye nowinjo wechegi. Nying joma oluoro Ruoth Nyasaye kendo mamiye duong’ ne ondik e kitabu moro e nyime.

Jo-Hibrania 9:27

Ng’ato ka ng’ato nyaka tho mana dichiel kende, to bang’ mano Nyasaye yale.