Eklesiastes 2:14 - MUMA MALER 2015

¹⁴ Ji mariek nyalo neno kuma dhiye. Joma ofuwo to ok nyal neno. To kata kamano ang’eyo bende ni waduto wachomo mana kamoro achiel.

Motingʼo Loko Manyien

¹⁴ Ngʼatno man-gi rieko neno kuma odhiye, to ngʼama ofuwo to wuotho e mudho, to kata kamano ne afwenyo ni gimoro achiel ema timore ni ji ariyogi.

Eklesiastes 2:14 ပူးပေါင်းရင်းမြစ်များ

Zaburi 19:10

Gibeyo moloyo dhahabu, kata mana dhahabu malerie moloyo. Bende gimit moloyo mor kich moton kaa e pedni.

Zaburi 49:10

Oneno ni kata joma riek bende tho, mana ka joma ofuwo kod joma oming’, kendo mwandugi dong’ mana ni jomoko nono.

Zaburi 49:11

Liete ma oyikgie ema nobed miechgi mochwere, kendo ginisik kuno nyaka chieng’, kata obedo ni ne gin gi lopegi giwegi.

Ngeche 14:8

Rieko mar ng’at mariek, nyise yo makare monego oluw, to fup joma omemore, miyo gibayo yo.

Ngeche 17:24

Ng’at mariek keto chunye pile mondo odwar rieko. Ng’at mofuwo to jahubagabaga.

Eklesiastes 2:16

Onge ng’ama paro joma riek kosetho, mana kaka joma ofuwo bende ok par. Wan duto wich biro wil kodwa e ndalo mabiro. Joma riek gi joma ofuwo nyaka tho duto machalre. Ee, waduto nyaka watho!

Eklesiastes 3:19

Chutho, gimoro achiel ochomo dhano gi le machalre. Dhano tho mana kaka le bende tho. Adier, giyueyo mana machalre.

Eklesiastes 6:6

moloyo ng’at ma odak higni gana gi gana, to onge gi mor. To bende giduto gidhi mana kanyachiel!

Eklesiastes 6:8

Koro ere ber ma ng’ama riek neno, moloyo ng’ama ofuwo? Koso ere gima ber ma jachan nigo kuom gik moseng’eyo ma doritrego e ngimane?

Eklesiastes 7:2

Ber dhi e dala ma iywagoe ng’at motho, moloyo dhiyo kama itimoe mor, nikech pile joma ngima nyaka par ni tho ema ochikowa waduto.

Eklesiastes 8:1

Ng’at mariek ema ong’eyo tiend gik moko. Rieko miyo wang’e rieny, kendo tieko ich wang’ ma en go.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Eklesiastes 9:16

Kane oneno kamano, ne owacho ni, rieko ber moloyo teko, to kata kamano onge ng’ama paro ni ng’at modhier bende nyalo bedo mariek, kata mayie winjo gik mowacho.

1 Johana 2:11

To ng’at mamon gi wadgi nie mudho, kendo wuotho e mudho. Ok ong’eyo kuma odhiye, nikech mudho oimo wang’e.