Eklesiastes 2:11 - MUMA MALER 2015

¹¹ To bang’e ne aparo gik moko duto mane asetimo, kendo kaka ne asetiyo matek katimogi, mi afwenyo ni gin mana gik manono, machalo yamo makadho.

Motingʼo Loko Manyien

¹¹ To kata kamano kane anono duto mane lweta osetiyo kod gino mane asenyagora mondo ayudi, gik moko duto ne onge tiendgi, mana kalawo bangʼ yamo; onge ohala mane ayudo e bwo wangʼ chiengʼ.

Eklesiastes 2:11 ပူးပေါင်းရင်းမြစ်များ

Chakruok 1:31

Eka Nyasaye nong’iyo gik moko duto mane osechueyo, kendo noneno ni gibeyo ahinya. Piny noyuso kendo noru, mi mano nodoko chieng’ mar auchiel.

Zaburi 89:47

Parie kaka ngima dhano chiek, kendo kaka ji duto nichueyo ni nyaka tho.

Wuok 39:43

Musa norango gik moko duto mane giseloso, moneno ni giselosogi mana kaka Ruoth Nyasaye nosechiko, omiyo noguedhogi.

Eklesiastes 1:14

Aseneno gik moko duto matimore e piny ka mi afwenyo ni gionge tich, mana ka yamo makadho.

Eklesiastes 1:17

Ne aseketo chunya mondo apuonjra kendo ang’e pogruok manie kind ng’eyo gi fuwo, kendo manie kind rieko gi memruok. To asefwenyo ni mano bende en mana gima nono, ka yamo makadho.

Eklesiastes 1:3

Ere ohala ma dhano yudo kuom gik moko duto motimo e piny ka?

Eklesiastes 3:9

Ka kamano, to ere ohala ma dhano yudo kuom tichne duto?

Eklesiastes 5:10

Ka ihero pesa, to pesa ok noromi ngang’, bende ka igombo bedo jamwandu, to mwandu miyudo ok noromi, nikech mano en mana gima nono.

Eklesiastes 5:16

Mano gima lit ahinya. Wadhi mana kaka ne wabiro. Ere gima wayudo kuom tich manono mwachandorego?

Habakuk 2:13

Donge Ruoth Nyasaye Manyalo Gik Moko Duto osewacho ni gik ma ogendini mamoko oseyudo gi luchgi nowang’, mi lal nono?

1 Timotheo 6:6

To chutho, lamo Nyasaye nyalo keloni ng’ato ohala, to mana ka gik ma en-go orome.