Eklesiastes 12:2 - MUMA MALER 2015

² Mano e ndalo ma koro wang’chieng’ gi due kod sulue olokorenu mudho, kendo wang’u otimo bo, mana ka gima boche polo osiko kanenore anena e wang’u.

Motingʼo Loko Manyien

² Mano en ndalo ma wangʼ chiengʼ, dwe kod sulwe lokore mudho, kendo angʼwengʼo kwako piny bangʼ ka koth osechwe.

Eklesiastes 12:2 ပူးပေါင်းရင်းမြစ်များ

Chakruok 27:1

Kane Isaka oseti modoko muofu, noluongo Esau wuode makayo, ni “Wuoda!” Esau nodwoke ni, “Antie.”

Chakruok 48:10

Israel koro noseti ahinya, ma wang’e oyuso ma ok onyal neno. Josef nokelo nyithinde ire, mi nokwakogi kendo onyodhogi.

Zaburi 42:7

Nam ka nam luongo wadgi, ka abururu mag Nyasaye wuo, kendo anyumora e apaka maggi madongo.

Zaburi 71:20

Isemiyo aneno chandruok gi rem malit, to ang’eyo ni ibiro meda teko, kendo ibiro gola e liel.

Zaburi 77:16

A Nyasaye, kane pige oneni, to ne gidoko maluor, kendo kude mag nam nowalo.

Zaburi 90:10

Hik dhano gin piero abiriyo, to ka ng’ato nigi ngima maber, to onyalo dak higni piero aboro. To hignigo duto kelonwa mana chandruok gi kuyo. Ngimawa rumo piyo, kendo walal nono.

Isaya 13:10

Sulue mag polo ok norieny, kendo wang’chieng’ nolokre mudho ka wuok. Due bende ok norieny.

Isaya 5:30

Ginikog kuom jo-Israel chieng’no, mana ka nam matwaro, kendo ka ng’ato orango piny to mudho gi chandruok ema none, bende wang’chieng’ noimre e boche polo.

Joel 3:15

Wang’ chieng’ gi due olokore mudho, kendo sulue bende ok rieny.

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

1 Samuel 3:2

Ndalogo wang’ Eli nosechako imore, ma ok onyal neno maber. Chieng’ moro Eli ne nindo kare mar nindo.

1 Samuel 4:15

Eli koro ne jahigni piero ochiko gaboro, kendo wang’e noyuso mane ok onyal neno.

1 Samuel 4:18

Kane Eli owinjo wach Sanduk mar Nyasaye, nogore piny ataro, koa e kom ma nobetie but rangach, mi ng’ute notur, motho nikech ne en jaduong’ moti, kendo nopek. Nosebedo jang’ad bura ni jo-Israel kuom higni piero ang’wen.