Eklesiastes 11:9 - MUMA MALER 2015

⁹ Un joma tindo, beduru mamor e ndalo ma pod utindo. Timuru gik moko duto mudwaro, kendo yuduru gik moko duto ma chunyu gombo. To kata kamano, nyaka ung’e ni Nyasaye noyalu kuom gik moko duto mutimo.

Motingʼo Loko Manyien

⁹ Bed mamor, in wuowi matin, ka pod in rawera kendo tim gik moko duto ma chunyi dwaro. Tim gik moko duto ma chunyi gombo kendo wangʼi nyalo neno, to kata kamano nyaka ingʼe ni Nyasaye nongʼadni bura kuom gik moko duto mitimo.

Eklesiastes 11:9 ပူးပေါင်းရင်းမြစ်များ

Chakruok 3:6

Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

Chakruok 6:2

yawuot Nyasaye noneno ni nyi dhano beyo, omiyo ng’ato ka ng’ato nokendo nyako mohero kuomgi.

1 Ruodhi 18:12

To kwasewere kodi, to Roho mar Ruoth Nyasaye biro teri kuma ok ang’eyo. Omiyo, ka adhi, ma anyiso Ahab ni in ka, mi obiro to ok onwang’i, enonega. To jaduong’, aseluoro Ruoth Nyasaye, chakre tinna.

1 Ruodhi 18:27

Kane ochopo odiechieng’ tir, Elija nojarogi, ka ngeko nyiero, kowacho niya, “Koguru matek! Donge en nyasaye? Dipo ka wach moro pod ogale, kata odich, kata odhi wuoth. Kamoro onindo, chieweuru!”

1 Ruodhi 22:15

Kane Mikaya ochopo e nyim ruoth, ruoth nopenje niya, “Koso wawe?” Nodwoke niya, “Dhi mondo ilo! Ruoth Nyasaye biro chiwe e lweti.”

Ayub 31:7

Ka dipo ni aseweyo yo makare, mi richo oywaya, kata kapo ni richo omieno lweta,

Zaburi 81:12

Kuom mano, ne aweyogi mondo gidhi, ka wigi tek kamano, mondo gitim mana gik ma gin giwegi ema gidwaro.

Eklesiastes 12:1

Paruru jachuechu kapod utindo, kendo ka pok ndalo mag chandruok obiro, ma koro uwachoe niya, “Onge gima tinde bernwa e piny.”

Eklesiastes 12:14

Nyasaye biro yalowa kuom gik moko duto ma watimo, kata mana gik motim ling’ling’, bed ni gibeyo kata giricho.

Eklesiastes 2:10

Ne akawo gimoro amora mane wang’a gombo, kendo ne ok aweyo gimoro mane chunya dwaro. Gik moko mane aloso nomiya mor, kendo morno ema nobet pokna.

Eklesiastes 3:12

Kuom mano ang’eyo ni gima dhano nyalo timo en mana bedo mamor, kendo chamo piny ka pod ongima.

Eklesiastes 3:17

Ne awacho e chunya niya, “Nyasaye biro yalo joma kare gi joma richo machalre, nikech kata mana e piny mabiro, gik moko duto te notimre mana e kinde moketnigi.”

Eklesiastes 6:9

En mana gima nono, ka yamo makadho! Emomiyo ber bedo mamor gi gik ma in go, moloyo gombo gik ma iongego.

Eklesiastes 7:14

Ka gik moko dhini maber, to bed mamor. To ka chandruok ema omaki, to nyaka ipar ni Nyasaye kelo mor, bende okelo chandruok, omiyo ok inyal ng’eyo gima kiny notimre kiny.

Jeremia 23:17

Gisiko ka giwacho ni ji motamore winjo wachna niya, ‘Gik moko duto biro dhinu maber.’ Bende giwacho ni joma wigi tek ni masira ok nomakgi.

Jeremia 7:24

To ne ok gidewa, bende ne ok giwinjo wachna. Ne gisiko ka gitimo timbe mag wichkuot, kendo kar dhi nyime, to ne gidok chien.

Ywagruok 3:27

Bende ber mondo ng’ato oting’ jok ka pod en wuowi,

Kwan 15:30

To ng’ato ang’ata ma oketho goyiem oyanyo Ruoth Nyasaye, bed ni en ja-Israel kata japiny moro modak kuomu. Nyaka ng’ad kare oko kuom ogandagi,

Kwan 15:39

Kamano e kinde duto ma unenoe usi mominno, to nupar chike duto mag Ruoth Nyasaye mi unumakgi, kendo ok unuluw yore maricho ma wengeu gi chunyu nyalo teroue.

Kwan 22:32

Malaika nopenje niya, “Ere gima omiyo inyalo goyo kanji didek kamano? Ne abiro mondo ageng’ni, to ne ichoma mana tir,

Mathayo 5:28

An to awachonu ni, ka ng’ato orango dhako, mi ogombo, to oseterore kode e chunye.

Luka 12:19

Bang’e anawach e chunya ni, ‘An jahawi, nikech asekano gik mathoth, moroma kuom higni mang’eny! Koro anyalo yueyo ka achiemo kendo ametho, ka amor.’

Tich Joote 14:16

E kinde machon, Nyasaye noyie ni ogendini duto mondo oluw yoregi giwegi.

Tich Joote 24:25

To kane Paulo odhi nyime kawuoyo kuom bedo makare, kendo kuom ritruok, kod Chieng’ Bura mabiro, Feliks nodoko maluor, mi owacho ni, “Koro dogi, to chieng’ moro nachak aluongi ka ayudo thuolo.”

Jo-Rumi 14:10

Koro in to, ere gima omiyo ing’ado ni owadu bura? Koso in, ere gima omiyo ichayo owadu? Donge ung’eyo ni wan duto wabiro chung’ e nyim kom bura mar Nyasaye?

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

Rapar mar Chik 29:19

Ka ng’atno owinjo weche mag singruokni, mi owuondore e chunye ni onge gima biro time, kata koluwo timbene mag wich teko, to mano nokel masira maduong’.

Jo-Hibrania 9:27

Ng’ato ka ng’ato nyaka tho mana dichiel kende, to bang’ mano Nyasaye yale.

Joshua 7:21

nikech kane aneno law maber molos Shinar, gi fedha ma pekne oromo kilo ariyo, kod dhahabu ma pekne oromo nus kilo kuom mwandu Jeriko, gombo nomaka, makawogi. Nakunyogi e hemba ka fedha ema akuongo keto e bur.”

2 Petro 3:7

To Nyasaye osewuoyo bende ni, polo kod piny ma kawuono okan ni Chieng’ Bura, mondo mach obi otieki kaachiel gi ji duto ma ok oluoro Nyasaye.