Eklesiastes 11:6 - MUMA MALER 2015

⁶ Onego ichwo kodhi okinyi godhiambo, nikech ok ing’eyo kata gibiro twi giduto.

Motingʼo Loko Manyien

⁶ Chwo kodhi mari gokinyi, to godhiambo kik iwe lweti bed maonge tich, nimar ok ingʼeyo kata gibiro twi, giduto maber.

Eklesiastes 11:6 ပူးပေါင်းရင်းမြစ်များ

Eklesiastes 11:7

Ler ber, kendo oyo nyango marieny mamit bende ber.

Eklesiastes 9:1

Ne aketo chunya kuom kinde mang’eny, ka aparo, mi afwenyo ni joma riek kod joma kare, ni e lwet Nyasaye, kaachiel gi timbegi koda ka hera gi sigu ma gin go. Onge ng’ama ong’eyo kata mana gimoro achiel ma biro timorene.

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Isaya 55:10

Bende kaka koth chue, kendo pe lwar, koa e polo, mi ok chak dog malo kendo, to miyo mana piny ng’ich, mondo cham otwi, mi thiew kendo nyagi, mi kodhi ma ichwoyo kod cham, bedie,

Hosea 10:12

Bang’e ne awachonigi niya, ‘Chwouru timbe makare, eka unuka gueth mawuok kuomgi. Paruru okang’, nikech en kinde ma onego uduogie ira, an Ruoth Nyasachu, mi nabi kendo aol gueth kuomu.’

2 Jo-Korintho 9:6

Ng’euru ni, ng’ama chwoyo manok, kayo manok, to ng’ama chwoyo mang’eny, kayo mang’eny.

2 Timotheo 4:2

land Wach Nyasaye, kendo ket chunyi kuom tijno kinde duto, kata ka piny ber kata rach. Kwer weche duto ma ok ni kare. Kendo rie weche maricho, kijiwo ji kendo ipuonjo gi kinda duto.