Eklesiastes 11:5 - MUMA MALER 2015

⁵ Gik moko duto Nyasaye ema ochueyo, bende ok inyal ng’eyo gima otimo, mana kaka ok inyal ng’eyo kaka nyathi chakore ei min.

Motingʼo Loko Manyien

⁵ Mana kaka ok inyal ngʼeyo kama yamo luwo, kata ngʼeyo kaka nyathi chakore ei min, omiyo ok inyal ngʼeyo gima Nyasaye ma jachwech gik moko duto timo.

Eklesiastes 11:5 ပူးပေါင်းရင်းမြစ်များ

Ayub 37:23

Teko mar Nyasaye duong’ ma ok wanyal sudo machiegni kode. En jaratiro, kendo ong’ado ni ji bura makare.

Ayub 38:4

Ne intie ka achweyo piny koso? Nyisa ane, ka en adier ni in ng’ama riek mong’eyo gik moko duto kamano.

Ayub 5:9

nikech en ema otimo gik madongo, bende honni mage ng’eny mokadho akwana.

Zaburi 104:24

A Ruoth Nyasaye, isechueyo gik mang’eny ahinya! Mano kaka ne ilosogi gi rieko matut! Piny opong’ gi gik misechueyo.

Zaburi 40:5

A Ruoth Nyasacha, isetimonwa gik mang’eny miwuoro. Onge ng’ama inyalo pimo kodi! Gik moko duto ma isechanonwa kelonwa gweth. Ka da anyalo hulogi duto mi awuo kuomgi, to ging’eny ma ok anyal tieko.

Zaburi 92:5

Mano kaka timbeni dongo yaye Ruoth Nyasaye, kendo mano kaka paroni tut!

Eklesiastes 1:13

Ne aketo chunya kuom nono tiend gik moko duto matimore e piny mondo apuonjra tiendgi, mi ayudo ni tich ma Nyasaye osemiyo dhano mondo onyagrego e piny ka lit ahinya.

Eklesiastes 1:6

Yamo bende kudho kochomo yo milambo, kendo okudho kochomo yo nyandwat. Olworore alwora nyaka odog kuma nochakoree.

Eklesiastes 11:4

Ka irito mana nyaka koth chue, to ok nichwo gimoro, kendo ka ikowo keyo akowa, to ok nike.

Eklesiastes 3:10

Koro ang’eyo tich ma Nyasaye osechanonwa.

Eklesiastes 3:11

Oseketo kinde mowinjore ni gimoro amora. Osemiyowa gombo mar ng’eyo gik mabiro timore, to ok osemiyowa fwenyo gik moko duto motimo.

Eklesiastes 7:24

Ere kaka dhano difweny tiend ngima? Otut moyombowa, kendo otek modhierowa winjo.

Eklesiastes 8:17

to ok onyal ng’eyo gik ma Nyasaye timo. Kata da bed ni oketo chunye matek machal nade, to ok onyal ng’eyo tiendgi. Ji mariek paro ni ong’eyo tiendgi, to chutho ok ging’eyo.

Isaya 40:28

Donge ung’eyo, koso pok uwinjo, ni Ruoth Nyasaye ma Nyasaye mochwere, kendo ma Jachuech piny malichni duto, ok ol, kendo ok nyosre? Parone tut, ma odhiero dhano ng’eyo.

Johana 3:8

Yamo kudho kuma ohero, kendo iwinjo dwonde, to ikia kuma oaye, kata kuma odhiye. Gima kamano bende ema timore ni ji duto ma Roho onywolo.”

Jo-Rumi 11:33

Mano kaka mwandu mag Nyasaye dongo! Riekone kod ng’eyone tut manadi! Ere ng’ama nyalo ng’eyo tiend gik moparo? Koso ere ng’ama nyalo ng’eyo yorene?