Eklesiastes 10:12 - MUMA MALER 2015

¹² Weche ma ng’at mariek wacho, kelone luor. Ng’at mofuwo to tiekore kende owuon gi wechene.

Motingʼo Loko Manyien

¹² Weche moa e dho ngʼat man-gi rieko nigi ngʼwono, to ngʼama ofuwo tiekore mana gi wechene owuon.

Eklesiastes 10:12 ပူးပေါင်းရင်းမြစ်များ

2 Samuel 1:16

Daudi nowacho niya, “Rembi obed e wiyi, nimar dhogi iwuon ema ong’adoni bura, kiwacho ni isenego ruoth mowir ma Ruoth Nyasaye oyiero.”

Ayub 16:5

Bende da ang’adonu rieko ma ategogo chunyu, kendo dikoro athoro weche mondo ahougo!

Zaburi 140:9

Adier, kik iwe wasika lochi, to mi bwok ma gibwogago dog mana e wigi giwegi!

Zaburi 37:30

Ng’at makare wuoyo gi rieko, kendo oloso mana kuom gik ma adier.

Zaburi 64:8

Weche ma giwacho giwegi ema nomi ologi. Ji duto ma onenogi biro goyonigi siboi,

Ngeche 10:10

Ng’at ma pando adiera, kelo chandruok, to ng’at ma kwero gimoro e lela, kelo kue.

Ngeche 10:8

Joma riek luwo puonj makare, to joma wechegi ofuwo biro rumo.

Ngeche 12:18

Weche mimwomruokgo chuoyo chuny mana ka ligangla. Weche mawuok e dho ng’ama kare to kelo ngima.

Ngeche 15:2

Ka ng’at mariek wuoyo to wachne lombo ji. Ng’at mofuwo to rodho weche maonge tich.

Ngeche 15:23

Ka ng’ato odwoko wach maber, to obedo mamor. Adier, wach mowinjore gi sane, ber manade!

Ngeche 19:5

Janeno ma jamriambo ok nyal tony mak okum. Adier, ng’at ma wacho miriambo lilo ok tony.

Ngeche 22:11

Inyalo bedo osiep ruoth kiperogo. Ruoth Nyasaye to ohero mana ng’ama jaadiera.

Ngeche 26:9

Ngero ma ng’at mofuwo goyo chalo mana gi kudho mochwowo lwet ng’at momer.

Ngeche 31:26

Ka owuoyo to owuoyo gi rieko, kendo opuonjo ji gi muolo.

Eklesiastes 12:11

Weche mag joma riek chalo gi ludhe ma jokwath kwayogo rombe, kata ka musmande ma ogo matek. Nyasaye ma jakwadhwa achiel kende waduto, ema osechiwo wechego.

Eklesiastes 4:5

Ji wacho ni ng’at mofuwo kende ema nyalo kwakore, to weyo kech nego.

Eklesiastes 5:2

Par maber ka pok iwuoyo, kendo kik irikni ka isingori ni Nyasaye. Nyasaye nie polo, to in inie piny, omiyo kik iwuo mathoth moloyo kaka owinjore.

Eklesiastes 5:6

Kik iwe wecheni iwuon teri e richo, nono to idhi e nyim jadolo mar Nyasaye, kiywagori ni iseketho, nikech kitimo kamano to imiyo Nyasaye kecho kodi, kendo obiro ketho gik ma luchi osemiyi.

Eklesiastes 9:17

To chutho, en gima ber chiko it ni weche mamuol ma ng’at mariek wacho, moloyo winjo weche ma ruoth kokgo e buch joma ofuwo.

Mathayo 12:35

Ng’at maber golo gik mabeyo kuom mwandu mabeyo mokano e chunye. To ng’at marach to golo mana gik maricho kuom mwandune maricho.

Luka 19:22

To ruodhe nowachone niya, ‘In jatich marach! Abiro ng’adoni bura gi weche ma isewacho gi dhogi iwuon. Kara, in ne ing’eyo ni an ng’at makoch, kendo ni akawo gima ne ok akano, bende ni akayo gima ne ok achwoyo!

Luka 4:22

Jogo duto nopwoye ahinya, kendo ne giwuoro weche mang’won mane wuok e dhoge, mi gipenjore ni, “To donge jali en wuod Josef?”

Jo-Efeso 4:29

Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.

Jo-Kolosai 4:6

Wecheu onego bed mang’won pile kendo man gi ndhadhu, kendo nyaka ung’e kaka udwoko ng’ato ka ng’ato.