Eklesiastes 10:10 - MUMA MALER 2015

¹⁰ Ka ng’ato tong’o gi le modik, ma ok opiago, to nyaka oti kode gi muya, eka otong’ gimoro. Kuom mano, ber chano gik moko mokwongo ka pok itimo.

Motingʼo Loko Manyien

¹⁰ Ka le dik kendo lewe ok opiagi, to nyaka oti kode gi teko mathoth eka obar yien, kuom mano chan gik moko chon kapod ok itimo.

Eklesiastes 10:10 ပူးပေါင်းရင်းမြစ်များ

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.

Jo-Kolosai 4:5

Ng’euru kaka utiyo gi rieko gi joma ok oyie kuom Kristo, ma ok uketho kinde ma un go kata matin.

Eklesiastes 10:15

Joma ofuwo negore gi tich nikech gionge kata mana rieko ma ginyalo ng’eyogo yo ma didwokgi dala.

1 Jo-Korintho 14:20

Owetena, kik ubed gi paro machalo paro nyithindo. Beduru ka nyithindo e weche mag richo, to nyaka ubed joma dongo gi parou.

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

Jo-Rumi 16:19

Ji duto osewinjo ni umako Wach Maber; mano emomiyo amor kodu. Adwaro ni mondo udok joma riek korka timo gima ber, to ubed joma ofuwo korka timo gima rach.

Mathayo 10:16

“Winjuru! Aorou mana ka rombe madhi e dier ondiegi. Emomiyo beduru mariek ka thuol, kendo beduru mamuol ka akuru.

1 Weche mag Ndalo 12:32

Jo-Isakar ne gin joma riek kuom nyiso jo-Israel gima onego gitim, kendo kinde monego gitimee. Ne gin jotelo mia ariyo, ma nobiro gi jolwenjgi.

Rapar mar Chik 32:41

kasepiago ligangla mamil, to anachul kuor ni wasika, kendo kasechako ng’ado bura, to anakum jogo mochaya.

Eklesiastes 2:13

Adier, ang’eyo ni rieko ber moloyo fuwo mana kaka ler ber moloyo mudho.

Eklesiastes 10:9

Ka ikunyo kite, to kite nyaka hinyi, kendo ka ibaro yien, to nyaka ihinyri kibero.

Eklesiastes 10:11

Ka thuol okayi ka pok iboye, to onge ohala ma iyudo kuom ng’eyo boyo thuonde!

Eklesiastes 9:18

Rieko ber moloyo gik lweny, to jaricho achiel nyalo ketho gik mabeyo mang’eny.