Eklesiastes 1:9 - MUMA MALER 2015

⁹ Gik ma osetimore biro timore kendo, bende gik mane dhano osetimo, obiro mana timo kendo. Onge gima nyien e piny ka.

Motingʼo Loko Manyien

⁹ Gima osebedo biro bedo kendo, gima osetim ibiro tim kendo; kendo onge gino manyien e bwo wangʼ chiengʼ.

Eklesiastes 1:9 ပူးပေါင်းရင်းမြစ်များ

Eklesiastes 1:10

Adier, onge gimoro ma ng’ato nyalo wacho ni nyien. Ooyo, ok nyien! Nyaka bed ni nosebetie chon, ka pok onywolwa.

Eklesiastes 2:12

Chutho, ruoth ok nyal timo gimoro manyien, to mana gik mane ruodhi mokwongone osetimo. Kuom mano ne achako paro ni ere tiend bedo mariek kata bedo momemore, kata bedo mofuwo?

Eklesiastes 3:15

Gimoro amora matimore nosetimore chon, kendo gimoro amora mabiro timore bende nosetimore. Nyasaye miyo gik moko duto nwoyore anwoya.

Eklesiastes 6:10

Gimoro amora matimore ne osechan chon, kendo waduto wang’eyo ni dhano ok nyal piem gi gima tek moloye.

Eklesiastes 7:10

Bende kik ipenjri gimomiyo chon gik moko ne dhi maber moloyo ndalogi, nikech mano en penjo mofuwo.

Isaya 43:19

Koro adwaro timo gima nyien. Neuru, asechako time. Donge unene? Abiro loso yo e piny motwo. Adier, abiro loso yore e piny motimo ongoro.

Jeremia 31:22

Ubiro digni kamano nyaka karang’o, un joma andhokegi? An Ruoth Nyasaye asechueyo gimoro ma hono: asemiyo dhako odoko maratego mana ka dichwo!”

2 Petro 2:1

To jonabi mag miriambo bende nowuok kuom oganda Nyasaye e ndalo mokadho. Kamano bende e kaka jopuonj mag miriambo biro wuok kuomu. Ginikel ling’ling’ puonj mag miriambo maketho ji, kendo ginikwed kata mana Ruoth mane owarogi, mi gimi tiekgi piyopiyo nono.

Fweny 21:1

Bang’ mano, naneno polo manyien gi piny manyien. Polo mokwongo gi piny mokwongo noserumo, kendo nam bende noselal nono.

Fweny 21:5

Eka Jal mane obet e kom duong’ nowacho niya, “Neuru! Aloso gik moko duto bedo manyien!” Bende nokona ni, “Ndik wachno, nikech wechegi gin weche migeno kendo ma adiera.”