Eklesiastes 1:8 - MUMA MALER 2015

⁸ Gik moko duto miyo dhano bedo mool. Adier, ool motamore gi nono. Kata obedo ni wengewa neno gik mang’eny, to pod gidwaro mana neno gik moko. Itwa bende winjo weche mathoth, to pod dwaro mana winjo weche manyien.

Motingʼo Loko Manyien

⁸ Gik moko duto gin tingʼ mapek, moingo ngʼato wacho. Kata obedo ni wangʼ neno, to gik moneno ok rome, to it bende kata obedo ni owinjo gik moko, to gik mowinjo ok rome.

Eklesiastes 1:8 ပူးပေါင်းရင်းမြစ်များ

Zaburi 63:5

Chunya nobed mamor mana ka ng’ama ochamo ondhudho kod mo, moyieng’, kendo napaki ka awer gi mor.

Ngeche 27:20

Kaka joma otho ok nyal pong’o Piny Joma Otho, e kaka gombo mar dhano bende ok nyal rumo.

Eklesiastes 1:7

Aore duto mol nyaka nam, to nam ok pong’. Bang’e pi dok adoka kuma aore chakoree, kendo chako mol.

Eklesiastes 2:11

To bang’e ne aparo gik moko duto mane asetimo, kendo kaka ne asetiyo matek katimogi, mi afwenyo ni gin mana gik manono, machalo yamo makadho.

Eklesiastes 2:26

Nyasaye ema miyo joge mohero rieko gi ng’eyo kod mor. Joricho to omiyo tiyo matek ka choko mwandu mana ni mondo mwandugo omi mana ng’ama ohero moloyo. Emomiyo mano bende en mana gima nono ka yamo makadho.

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Eklesiastes 6:7

Dhano tiyo matek mana ni mondo oyud gima ochamo, to eka ok oyud morome ngang’.

Hagai 1:9

Ugeno yudo gik mathoth, to uyudo mana manok. Ka ukelo cham dala, to akudhogi kucha. An Ruoth Nyasaye apenjo ni, ‘Uparo ni atimo kamano nikech ang’o?’ To adwokou kama: ‘Atimo kamano nikech Hekaluna odong’ gunda, ka un to, ng’ato ka ng’ato nigi ode owuon motimoe gige.

Mathayo 11:28

“Biuru ira, un duto mujony kendo mugangoru mapek, mondo amiu yueyo.

Mathayo 5:6

“Joma kech gi riyo mar dwaro tim makare oloyo gin johawi, nikech giniyud gima gidwaro.