Eklesiastes 1:2 - MUMA MALER 2015

² Owacho niya, “Ngima en gima nono. Gik moko duto onge tich. Gin gik manono giduto, kendo onge gima nigi tiende kata achiel!

Motingʼo Loko Manyien

² Jayalo wacho niya, “Ngima en gima nono! Chutho en gima nono! Gik moko duto onge tiendgi!”

Eklesiastes 1:2 ပူးပေါင်းရင်းမြစ်များ

Ayub 11:12

Ka kenje thim inyalo nywolo ka muol, to kara joma ofuwo bende nyalo timo timbe mariek!

Zaburi 144:4

En mana gima nono ka yamo makudho, kendo ndalone ringo piyo ka tipo makadho.

Zaburi 89:47

Parie kaka ngima dhano chiek, kendo kaka ji duto nichueyo ni nyaka tho.

Eklesiastes 11:10

Kik uwe gimoro thagu, mi kelnu chuny lit, nikech bang’ kinde manok ok ubi bedo matindo kendo.

Eklesiastes 11:8

Ka ng’ato odak aming’a to onego ogo erokamano kuom hignigo duto, koparo ni kosetho, to ndalo mudho nobed mang’eny moloyo! Kuom mano, gik moko duto mabiro gin mana kayiem nono.

Eklesiastes 12:8

Emomiyo, an Jayalo, awacho niya, “Gik moko duto onge tich! Gin gik manono giduto, kendo onge gima nigi tiende kata achiel.”

Eklesiastes 2:11

To bang’e ne aparo gik moko duto mane asetimo, kendo kaka ne asetiyo matek katimogi, mi afwenyo ni gin mana gik manono, machalo yamo makadho.

Eklesiastes 2:15

Ne aparo e chunya ni gima timore ni joma ofuwo biro timore ni an bende. Kuom mano, koro onge gimoro kata achiel ma abiro yudo kuom bedo mariek. En mana thagruok kayiem nono.

Eklesiastes 2:17

Kuom mano, ne achako sin gi ngima, nikech gik moko duto ma asetimo e piny ka ne ok okelona gimoro, mak mana chandruok. Giduto gin mana gik manono ka yamo makadho.

Eklesiastes 2:19

To ere ng’ama ong’eyo ka ng’at ma biro luwano nobed mariek kata mofuwo? To kata bed ni oriek kata ofuwo, to pod nokaw akawa gimoro amora ma lucha gi riekona osekelo e pinyka. Mano bende en mana gima nono.

Eklesiastes 2:21

nikech kata obedo ni ng’ato timo gimoro gi riekone gi ng’eyone kod lonyne duto, to nyaka owe gino ni ng’at moro machielo mane luche ok ochuerie. Mano bende en gima nono, kendo ma ok owinjore!

Eklesiastes 2:23

Gimoro amora motimo e ngimane duto kelone mana chuny lit gi parruok. Chunye ok nyal bedo gi kue, kata mana e seche mag otieno. Mago duto bende gin mana gik manono.

Eklesiastes 2:26

Nyasaye ema miyo joge mohero rieko gi ng’eyo kod mor. Joricho to omiyo tiyo matek ka choko mwandu mana ni mondo mwandugo omi mana ng’ama ohero moloyo. Emomiyo mano bende en mana gima nono ka yamo makadho.

Eklesiastes 2:8

Bende ne achoko fedha gi dhahabu mane igolo e ut keno mag ruodhi mag pinje mane aloyo. Chwo gi mon ne werna mondo omiya mor, kendo ne an gi mon duto ma ng’ama dichwo nyalo dwaro.

Eklesiastes 3:19

Chutho, gimoro achiel ochomo dhano gi le machalre. Dhano tho mana kaka le bende tho. Adier, giyueyo mana machalre.

Eklesiastes 4:16

Ruoth nyalo bedo gi ji mang’eny ahinya e bwoye, to ka osetho, to onge ng’ama pako nyinge kuom gik ma osetimo. Mano bende en gima nono, mana ka yamo makadho.

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Eklesiastes 5:10

Ka ihero pesa, to pesa ok noromi ngang’, bende ka igombo bedo jamwandu, to mwandu miyudo ok noromi, nikech mano en mana gima nono.

Eklesiastes 6:11

Kimedo goyo mbaka to weche medo bedo manono moloyo, kendo onge gima iyudoe.

Jo-Rumi 8:20

Nyasaye nomiyo gik moko duto mochue obedo kayiem nono, ok nikech dwarogi giwegi, to nikech dwarone owuon. To ne nitie geno ni