Daniel 9:25 - MUMA MALER 2015

²⁵ Koro winji, mondo ing’e tiend gik ma abiro wachoni. Chakre chieng’ ma ogolie chik ni Jerusalem onego ochak oger, higni piero ang’wen gochiko nokadhi, eka jatelo mowir nobi. Bang’e Jerusalem nobed ka oseger, molosie yore kendo ochiel gi ohinga motegno, mi nodag higni mia ang’wen gi piero adek gang’wen. Kindeno nobed kinde mar thagruok,

Motingʼo Loko Manyien

²⁵ “Kuom mano bed kingʼeyo kendo kiwinjo tiend wachni kama: Chakre chiengʼ mane ogolie chik mondo ochak oger Jerusalem, nyaka chop biro mar Jal Mowir, ma Ruoth, biro bedo kinde maromo higni mia angʼwen gi piero ochiko kod higni mia angʼwen gi piero adek gangʼwen. Ibiro gere kendo, ka en gi yorene mag dala kod buche matut molwore, to nogere e kinde mag chandruok.

Daniel 9:25 ပူးပေါင်းရင်းမြစ်များ

2 Samuel 15:25

Eka ruoth nowacho ni Zadok niya, “Dwok Sanduk mar Nyasaye Jerusalem. Kapo ni Ruoth Nyasaye okecha, to enoduoga, mi anane Sanduk kod kar dakne kendo.

Ezra 4:24

Chakre chieng’no, tich Od Nyasaye man Jerusalem nochung’, mi nosiko kamano nyaka higa mar ariyo mar loch Darius ruodh Persia.

Ezra 7:1

E ndalo loch Artaxerxes ruodh Persia, ng’at moro miluongo ni Ezra noa Babulon, modhi Jerusalem. Ne en wuod Seraya, ma wuod Azaria, wuod Hilkia,

Ezra 7:8

Ne gichopo kuno due mar abich, higa mar abiriyo mar loch ruoth.

Nehemia 3:1

Eliashib jadolo maduong’ kod jodolo mamoko ne jochako tich, mogero Rangach miluongo ni Ranga Rombe. Ne gichungo sirni mage, mi girwako thikene. Ne gigero ohinga mochopo kama oger mabor mar ng’icho mar Hamea, kendo nyaka kama oger mabor mar ngicho mar Hananel. Eka ne giguedhe.

Nehemia 4:2

kopenjo jowetene kod jolweny mane ni Samaria niya, “Jo-Yahudi mayomyomgi dwaro timo ang’o ka? Giparo ni digilos kanyo kendo? Bende diginyal timo misango kendo tieko tich godiechieng’ achiel? Koso giparo ni ginyalo golo kite kuom pidhe ohinga mowang’go, mi gichak gigedgo?”

Nehemia 4:8

mi ne gichokore giduto mondo gibi gimonj Jerusalem, kendo gimi ji kihondko.

Nehemia 6:15

Chieng’ due piero ariyo gabich mar due Elul, ohinga norumo. Tich notieko ndalo piero abich gariyo.

Zaburi 71:10

Wasika chano kaka diginega.

Eklesiastes 3:3

kinde mar nek, gi kinde mar chengo, kinde mar muko, gi kinde mar gero,

Isaya 55:4

Ne akete mondo obed jaote ni ogendini duto. Ee, nakete jatelo kendo japuonj ji.

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.

Daniel 8:11

To bende nopiem gi jatend ogend lweny mag polo, mi nomiyo misengni mane itimo pile ni jatelono ogik, kendo omiyo lemo mar Hekalu bende ogik.

Daniel 8:25

To nikech oriek, yorene mag miriambogo biro miyo otimo gimoro amora modwaro. Enobed jasunga kendo notiek ji mathoth apoya. Kata mana Ruodh Ruodhi bende nopiemgo, to ruodhno ema notieke, to ok gi lwet dhano.

Daniel 9:23

E sa mane ichakoe ywak ni Nyasaye, ne odwoki, kendo asechopo mondo anyisi dwokono, nikech in ng’at ma Nyasaye ohero ahinya. To koro chik iti mondo iwinj tiend fwenyno.

Mika 5:1

Un jo-Jerusalem, ng’oluru dendu manyiso ni un gi kibaji, nimar wasikwa olworowa, kendo gigoyo lemb jatend Israel gi luth.

Mika 5:2

Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Mathayo 13:23

To kodhi mane ochwo e lowo maber e ng’at ma winjo wach, kendo donjone. Onyak maber, mana ka kodhi ma moko nyak mia achiel, to moko piero auchiel, kendo moko piero adek.”

Mathayo 24:15

“Ka uneno Gima Kuero Makelo Kethruok, mane janabi Daniel owuoyo kuome, kochung’ e Hekalu,

Mariko 13:14

“Ka uneno Gima Kuero Makelo Kethruok kochung’ kama ok owinjore ochung’ie, to joma nie piny Judea nyaka ring dhi pondi e gode. (Ng’ama somo wachni mondo ong’e tiende!)

Johana 1:41

Gikanyono Andrea nodhi oyudo Simon owadgi, mowachone niya, “Wasenwang’o Mesia!” (Tiende ni Kristo.)

Johana 4:25

To dhakono nowachone niya, “Ang’eyo ni Mesia, miluongo ni Kristo, biro biro, kendo ka obiro to obiro nyisowa gik moko duto.”

Tich Joote 3:15

Kamano ne unego ng’at mamiyo ji ngima, to Nyasaye nochiere kuom joma otho kendo wan joneno kuom wachno.

Tich Joote 5:31

En ema Nyasaye osekete e bade korachwich kaka Jatelo kendo Jawar, mondo omi jo-Israel olokre mondo owenigi richogi.

Tich Joote 8:30

Omiyo Filipo noringo odhi, mi owinjo ka ng’atno somo kitap janabi Isaya. Nopenje niya, “Bende iwinjo tiend gima isomono?”

Jo-Efeso 5:16

Kik uketh kinde ma un-go, nikech ndalogi gin ndalo mag richo.

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,

Fweny 19:16

En gi nying moro mondiki e lawe kendo eme ni, “Ruodh ruodhi, kendo Jaduong’ jodongo.”