Daniel 9:22 - MUMA MALER 2015

²² Nowachona malong’o niya, “Daniel, asebiro mondo ami ing’e tiend fweny cha.

Motingʼo Loko Manyien

²² Ne owuoyo koda kowachona niya, “Daniel, koro asebiro mondo amiyi ngʼeyo tiend fweny.

Daniel 9:22 ပူးပေါင်းရင်းမြစ်များ

Daniel 10:11

Ne owachona niya, “Daniel in ng’at ma Nyasaye ohero ahinya. A malo mondo ichik iti iwinj gima adwaro wacho, nimar oseora iri.” Kane osewachona kamano, ne aa malo ka pod denda kirni.

Daniel 10:12

Eka ne ochako owachona niya, “Daniel, kik iluor, nikech Nyasaye nowinjo lemoni mana chieng’ mane ikwongo ketoe chunyi, kisandori e nyime, omiyo koro asebiro mondo adwoki.

Daniel 10:14

Koro asebiro mondo anyisi gima biro timore ni jou e ndalo mabiro, nikech ma bende en fweny manyiso gik mabiro timore e ndalo mabiro.”

Daniel 10:21

Asebiro mana ni mondo ahulni gima ondiki e kitap weche ma adiera. To koro onego adog mondo aked gi malaika ma jarit piny Persia. Bang’e malaika ma jarit piny Gris biro wuok, to onge ng’at manyalo konya mak mana Mikael ma malaika ma jarit piny Israel.

Daniel 7:16

Omiyo ne adhi ir ng’at achiel kuom joma ne ochung’ kanyo, mi apenje mondo onyisa tiend fwenygo. Eka nonyisa, kowachona niya,

Daniel 8:16

Eka nawinjo dwol machalo dwond dhano kaluongo gi loka machielo mar aora Ulai niya, “Gabriel, nyis jalo tiend gima ne oneno.”

Amos 3:7

“Adier, onge gima Ruoth Nyasaye timo ka ok onyiso jotichne ma jonabi.

Zekaria 1:14

Kuom mano, malaikano nowachona niya, “Dhiyo inyis ji ni weche Ruoth Nyasaye Manyalo Gik Moko Duto e magi: ‘Hera maduong’ ma aherogo Jerusalem gi Sayun miya mirima.

Zekaria 1:9

Kane anenogi kamano, ne apenjo malaika moro mane oyudo wuoyo koda niya, “Jaduong’, magi ang’o?” Ne odwoka ni, “Abiro nyisi tiendgi.”

Fweny 4:1

Bang’ mano, ne arango polo, mi aneno dhoot moro moyawore e polo, kendo dwol machalo gi dwond tung’ mane akwongo winjo kawuoyo koda cha, nowachona niya, “Bi malo ku, mondo anyisi gik mabiro timore bang’ magi.”