Daniel 9:2 - MUMA MALER 2015

² an Daniel, nasomo kitepe maler, ka adwaro ng’eyo tiend higni piero abiriyo mane Jerusalem biro bedogo gunda, kaka ne Ruoth Nyasaye owacho ni Jeremia.

Motingʼo Loko Manyien

² an Daniel nafwenyo tiend Ndiko, kaluwore gi wach Jehova Nyasaye mane oyudo osemiyo Janabi Jeremia, ni kethruok mar Jerusalem biro tieko higni piero abiriyo.

Daniel 9:2 ပူးပေါင်းရင်းမြစ်များ

2 Weche mag Ndalo 36:21

Mano notimore mondo wach Ruoth Nyasaye mane omiyo Jeremia owacho, ochopi. Jeremia nosewacho niya, “Pinyni nonind ma ok opur kuom higni piero abiriyo, mondo ochulgo ndalo mag Sabato mane osekadho, ka jopiny ok orito.”

Ezra 1:1

E higa mokwongo mar loch Kuros ruodh Persia, Ruoth Nyasaye nomiyo wachne mane Jeremia okoro, otimore. Nomiyo Kuros ruodh Persia ogoyo milome e pinje duto,, kendo olando wach gi barua, kowacho niya:

Zaburi 119:24

Chikeni miya mor, kendo gin ema gikelona rieko.

Isaya 64:10

Miechi maler kendo madongo duto olokore thim. Kata mana Sayun owuon olokore thim. Adier, Jerusalem osewe gunda.

Jeremia 1:1

Kitabuni oting’o weche kod timbe mag Jeremia wuod Hilkia. Ne en achiel kuom jodolo modak Anathoth e piny Benjamin.

Jeremia 25:18

Ogendini mane omi omadhego ne gin jo-Jerusalem kaachiel gi joma odak e miech Juda, kod ruodhigi gi jotendgi. Ne omi gimadhe mondo gin gi pinygi gilokre gima owe ma ji chayo, kendo gima lich mabwogogi. Bang’e nyinggi nobed gima ikuong’ogo ji. Kamano e kaka pod ochal nyaka chil kawuono.

Jeremia 26:18

“E ndalo loch Hezekia ruodh Juda, Mika janabi ma ja-Meresheth nonyiso jo-Juda duto ni Ruoth Nyasaye Manyalo Gik Moko Duto owacho kama: ‘Sayun ibiro pur oko ka puodho. Jerusalem biro lokore pidhe mag lwendni, kendo got mogerie Hekalu nolokre bungu.’

Jeremia 26:6

Ka ok uwinjogi, kendo ka pod utamoru timo gik ma awacho, to abiro ketho Hekaluni mana kaka naketho Shilo, kendo ogendini duto noluong nying dalani ka gima okuong’.”

Jeremia 27:7

Ogendini duto notine, kendo giniti ni wuode kod nyakware bende, nyaka chop kinde ma ogandane owuon nopodhie. Bang’e ogandane noti ni ogendini marateke kod ruodhi madongo.

Jeremia 29:10

Ruoth Nyasaye wacho niya, “Ka higni piero abiriyo mag loch Babulon oserumo, to anaparu mi aduogu e pinyu kachopogo singruok mane atimonu.

Jeremia 7:34

Anatiek mor gi ilo duto e miech Juda, kendo e wang’ yore man Jerusalem, ma kata mana dwond miaha gi chwore ok nowinji, nikech noyud ka piny oselokore thim.

Ywagruok 1:1

Mano kaka dala Sayun mane ji ng’enyie tinde odong’ nono! Chon ogendini ne kwane ka dala maduong’, to koro osedong’ mana ka chi liel. Adier, chon ne en ruodh mier duto, to tinde ochalo mana ng’ama tiyo tich misumba.

Ezekiel 29:11

Onge dhano kata le ma nokadh e iye, kendo kuom higni piero ang’wen onge ng’ama nodag kuno.

Daniel 9:3

Bang’e ne alamo Ruoth Nyasaye matek, kaywakne kendo ka ariyo kech. Bende ne arwako pien gugru, kendo ne abuko wiya buru.

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.

Zekaria 1:12

Eka malaika mar Ruoth Nyasaye nowacho niya, “A Ruoth Nyasaye Manyalo Gik Moko Duto, nyaka karang’o ma ibiro betie ka ok idewo Jerusalem kaachiel gi mier mag Juda, ma isebedo kikechogo kuom higni piero abiriyogi?”

Zekaria 7:5

“Nyis ane ji duto kod jodolo niya, ‘Bende ne umiya duong’ adier, kuom riyo kech mane uriyogo e due mar abich gi mar abiriyo, kuom higni piero abiriyogo?

Mathayo 24:15

“Ka uneno Gima Kuero Makelo Kethruok, mane janabi Daniel owuoyo kuome, kochung’ e Hekalu,

Mariko 13:14

“Ka uneno Gima Kuero Makelo Kethruok kochung’ kama ok owinjore ochung’ie, to joma nie piny Judea nyaka ring dhi pondi e gode. (Ng’ama somo wachni mondo ong’e tiende!)

Tich Joote 8:34

Eka jatelono nowacho ni Filipo ni, “Nyisa ane; janabi wuoyo kuome owuon, koso owuoyo kuom ng’at machielo?”

1 Timotheo 4:13

Ket chunyi kuom somo ni ji Wach Nyasaye, kendo kuom lando wach, kendo kuom puonjo ji, nyaka chieng’ moro abi.

Fweny 1:3

Ng’at masomo kitabuni kod joma winjo weche mokorgi, kendo momako gik mondikie, gin johawi, nikech ndalo ma gigi biro timoree chiegni.