Daniel 9:18 - MUMA MALER 2015

¹⁸ A Nyasaye, winjwa, kendo ng’i kuma wantie, mondo ineye thagruok ma wan go kod masira momako dala miluongo gi nyingi. Walami nikech ing’won ahinya, to ok nikech timbewa ni kare.

Motingʼo Loko Manyien

¹⁸ Chik iti, yaye Nyasaye, mondo iwinj kwayowa, kendo ineye kaka dala maduongʼ mochungʼ kar nyingi okethore. Ok waketni kwayogi nikech wan joma kare, to watimo kamano nikech kechni maduongʼ.

Daniel 9:18 ပူးပေါင်းရင်းမြစ်များ

1 Ruodhi 8:29

Odiechieng’ gotieno mondo irang ot misewacho ni nyingi nobedieni, kendo iwinj lemo ma anakwa ka eri.

2 Ruodhi 19:16

A Ruoth Nyasaye, chik iti mondo iwinji, kendo yaw wang’i mondo inen. Winj weche ma Senakerib yanyigo, in Nyasaye Mangima!

Zaburi 116:1

Ahero Ruoth Nyasaye nikech owinjo kwayona. Adier, ochiko ite ni lemona

Zaburi 25:6

A Ruoth Nyasaye, par ng’wononi kod herani mosiko, ma isenyiso nyaka nene.

Wuok 3:7

Bang’e, Nyasaye nowachone niya, “Aseneno ratiro kaka joga thagore e piny Misri. Asewinjo ywakgi, ka gikwayo ni mondo oresgi gia e lwet joma chunogi gi tich matekno. Adier ang’eyo chandruokgi.

Isaya 37:17

A Ruoth Nyasaye, chik iti mondo iwinji, kendo iyaw wang’i mondo inen. Winj weche ma Senakerib yanyigo, in Nyasaye Mangima!

Isaya 43:7

to keluru yawuota gi nyiga, kugolo kuonde maboyo. Adier, kelgiuru kugologi e tung’ piny koni gi koni. Chutho, keluru ji duto ma iluongo gi nyinga, ma asechueyo, kendo asetimo oganda. Gin joma asechueyo, mondo ayud duong’.

Isaya 64:12

Bende diyie weyo gik makamagi, yaye Ruoth Nyasaye? Koso diling’ thi kikumowa moloyo kaka owinjore?

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Jeremia 14:7

“Joga ywakna niya, ‘A Ruoth Nyasaye, kata ka richowa nyiso ni wan joketho, to yie ikonywa kaka isesingori. Adier, waseweyi ndalo mang’eny, kwaketho e nyimi.

Jeremia 14:9

Ere gima omiyo ichalo gi ng’at mobwok kata ka jalweny ma onge gi teko ma dokonygo ng’ato? Adier, in Ruoth Nyasaye in kodwa, kendo wan jogi, omiyo kik iwitwa.’ ”

Jeremia 15:16

Ne iwuoyo koda, mi awinjo wecheni duto. A Ruoth Nyasaye Manyalo Gik Moko Duto, an ng’ati, omiyo wecheni opong’o chunya gi mor kod ilo.

Jeremia 25:29

Dala ma abiro kuongo kumo en mana dalani. Koso giparo ni nawe mak akumogi? Ooyo, abiro kumogi mak orem, nikech abiro kelo lweny kuom ji duto modak e piny. An Ruoth Nyasaye Manyalo Gik Moko Duto ema awacho kamano.

Jeremia 36:7

Kamoro dipo ka gilamo Ruoth Nyasaye, mi gilokore giweyo yoregi maricho, nimar osesiemogi ni obiro kumogi gi mirimbe mager.”

Jeremia 37:20

Omiyo jaduong’, akwayi ni ichik iti, kendo itim gima awacho. Kiyie, to kik idwoka e od Jonathan ma jang’adni rieko, nimar ka idwoka, to en adier ni abiro tho kuno.”

Ezekiel 36:22

“Koro nyis jo-Israel ni an Ruoth Nyasaye awachonigi kama: Gima abiro timo ok abi timo nikech un, jo-Israel, to abiro timo mana nikech nyinga maler, ma usekelone wichkuot kamoro amora ma usedhiye e kind ogendini duto.

Ezekiel 36:32

To un jo-Israel, adwaro ni mondo ung’e ni ok natim gigo duto nikech un, to adwaro ni mondo une wichkuot kuom gik ma utimo. An Ruoth Nyasaye ema awacho kamano.

Daniel 9:7

In Ruoth Nyasaye pile isebedo kitimo gik makare, to wan jo-Juda gi jo-Jerusalem gi jo-Israel duto mane ikeyo e pinje machiegni gi maboyo nikech ne waweyi, ema wasebedo ka watimo timbe mag wichkuot.

Kwan 6:27

Kamano e kaka ginihul nyinga ni jo-Israel kendo anaguedhgi.”

1 Jo-Korintho 1:2

Wandikonu un kanyakla mar joma oyie kuom Nyasaye man Korintho, ma un joma osewal ni Kristo Yesu, mi oluong mondo obed jo-Nyasaye kaachiel gi ji duto kuonde duto maluongo nying Ruodhwa Yesu Kristo, ma Ruodhgi kendo Ruodhwa.