Daniel 9:16 - MUMA MALER 2015

¹⁶ A Ruoth Nyasaye in ng’at makare, omiyo koro we kecho gi Jerusalem, nikech en dalani kendo en godi maler. Jopinje mokiewo kodwa duto jaro Jerusalem, kendo gijaro jogi mana nikech kethowa kaachiel gi timbewa manono mane kwerewa otimo.

Motingʼo Loko Manyien

¹⁶ Yaye Ruoth Nyasaye, kaluwore gi gik moko duto makare mitimo, yie iwe bedo gi mirima kod gero gi Jerusalem dalani maduongʼ kendo godi maler. Richowa gi timbe mamono mag kwerewa osemiyo Jerusalem kod jogi obedo joma ijaro gi jogo modak mokiewo kodwa.

Daniel 9:16 ပူးပေါင်းရင်းမြစ်များ

Nehemia 9:8

Niyudo ka en ng’at ma jaadiera e nyimi, mi nitimo kode singruok ni ibiro miye piny mane jo-Kanaan gi jo-Hiti gi jo-Amor gi jo-Perzi gi jo-Jebus kod jo-Girgash odakie, mondo obed mare gi nyikwaye. Kendo nichopo singruokno, nikech in jaadiera.

Zaburi 143:1

A Ruoth Nyasaye, winj lemona, kendo chik iti ni ywakna. Yie idwoka nikech in ng’ama kare, kendo ma jaadiera.

Zaburi 31:1

A Ruoth Nyasaye abiro iri mondo irita, ka akwayi ni mondo kik wasigu loya, mi wiya kuodi. Resa, nikech in Nyasaye makare.

Zaburi 41:13

Wapakuru Ruoth Nyasaye, ma Nyasach Israel. Ee, pakeuru sani, kendo nyaka chieng’! Amin! Amin!

Zaburi 71:2

to ka in Nyasaye makare, konya kendo resa. Chik iti iwinj gima awacho, mondo iwara.

Zaburi 79:4

Ogendini mokiewo kodwa goyonwa siboi, ka nyierowa kendo jarowa.

Zaburi 85:4

A Nyasaye Jawarwa, duogwa iri, mondo iwe sin kodwa.

Zaburi 89:51

Giyanye kamoro amora modhiye!

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Jeremia 24:9

Abiro kelo kuomgi masira malich ma nomi ogendini duto bed maluor. Ji nobed ka ngerogi, kendo tugo kodgi. Bende ji nochargi, kendo noluong nyinggi ka gima okuong’ kuonde duto ma akeyogie.

Jeremia 29:18

Abiro chandogi gi lweny gi kech gi tuoche, mi ogendini duto mag piny biro bedo maluor koneno gima otimorenigi. Kamoro amora ma akeyogie, ji nobed kangerogi kendo tugo kodgi. Ginichargi, kendo giniluong nyinggi ka gima okuong’.

Jeremia 32:31

Dalani osemiya mirima mager, chakre chieng’ mane ogeree nyaka chil kawuono, kendo asechano mondo akethe

Jeremia 32:32

nikech timbe maricho ma jo-Israel gi jo-Juda osetimo, kaachiel gi ruodhigi gi jotendgi kod jodologi gi jonabigi kod ji duto modak e piny Juda gi Jerusalem.

Ezekiel 22:4

Un joketho kuom nek makamano, bende usedwanyoru gi nyiseche manono mane uluwo, omiyo useng’ado ndalou machiek, mi koro kindeu orumo! Mano ema omiyo aseweyo ogendini mamoko mondo ojaru, ka twenyonu umgi.

Ezekiel 5:14

Anami ubed oganda mojwang’ kendo mokwedi, mi ogendini mokiewo kodu kod ji duto makadho nonyieru, ka goyonu siboi.

Daniel 11:45

Bende enogur hembene madongo dongo e kind nam gi got maberie moloyo ma ogerie Hekalu. To enotho kuno, ka onge ng’ama konye.

Daniel 9:20

Ne adhi nyime gi lemo ka ahulo richona kod richo mag jowa, kendo ne aywak ni Ruoth Nyasacha mondo oguedh gode maler.

Joel 3:17

“Bang’e un jo-Israel unung’e ni an, Ruoth Nyasaye ma Nyasachu, adak Sayun, goda maler, kendo jopinje mamoko ok nonyone kendo.

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.

2 Jo-Thesalonika 1:6

Adier, kaka Nyasaye en ng’ama kare, enosand joma sandou,

1 Johana 1:9

To ka wahulo richowa, to oweyonwagi, kendo opwodhowa kuom tim duto ma ok odhi kare, nikech en jaadiera, kendo otimo mana gima kare.

1 Samuel 2:7

Ruoth Nyasaye kelo dhier, kendo okelo mwandu. Odwoko piny, bende oting’o malo.