Daniel 9:10 - MUMA MALER 2015

¹⁰ A Ruoth Nyasaye, kane iwachonwa ni mondo waluw chike mane imiyo jotichni ma jonabi owachonwa, to ne watamore winji.

Motingʼo Loko Manyien

¹⁰ ok waseluoro Jehova Nyasaye ma Nyasachwa, kata rito chike mane omiyowa kokalo kuom jotichne ma jonabi.

Daniel 9:10 ပူးပေါင်းရင်းမြစ်များ

2 Ruodhi 18:12

Wachno notimore nikech ne ok girito chik Ruoth Nyasaye ma Nyasachgi, to ne giketho singruok mane gitimo kodgi. Ne ok gimako weche duto mane Musa jatich Ruoth Nyasaye ochikogi, kata dewogi bende ne ok gidewo.

Jeremia 16:11

To dwokgi ni Ruoth Nyasaye owacho kama: ‘Kwereu noweya, mi otiyo ni nyiseche mamoko kendo olamo. Ne giweya kendo ne ok giwinjo chikena.

Jeremia 32:23

To kane gidonjo e pinyni, mi gidakie, ne ok girito chikeni, bende ne ok giluori. Ne ok gitimo gimoro amora mane isechikogi mondo gitim. Mano emomiyo ne ikelo masirani duto kuomgi.

Daniel 9:6

Wasetamore winjo jotichni ma jonabi mane owuoyo e nyingi ni ruodhiwa kendo ni jotendwa gi kwerewa kod oganda duto.

Jo-Hibrania 1:1

Chon Nyasaye nomiyo jonabi owuoyo gi kwerewa e yore mang’eny kendo mopogore opogore,