Daniel 8:3 - MUMA MALER 2015

³ Ne ating’o wang’a mi aneno im kochung’ e bath aora. Ne en gi tunge ariyo madongo, ma achiel kuomgi bor moloyo machielo. To maborno ema ne aneno ka twi achien.

Motingʼo Loko Manyien

³ Natingʼo wangʼa mi aneno im moro man-gi tunge ariyo, kuchungʼ e bath aora kendo tungene ne boyo. Achiel kuom tungenego ne bor moloyo mano mane otwi achien.

Daniel 8:3 ပူးပေါင်းရင်းမြစ်များ

1 Weche mag Ndalo 21:16

Daudi nong’iyo malo moneno malaika mar Ruoth Nyasaye kochung’ e kind polo gi piny ka en gi ligangla e lwete ma nodwaro tiekogo Jerusalem. Daudi gi jodonge noriere piny auma ka girwakore gi pien gugru.

Ezra 1:2

“Ruoth Nyasaye ma Nyasach polo osemiya loch kuom pinje duto, kendo en owuon osechika mondo agerne Hekalu Jerusalem e piny Juda.

Ezra 4:5

Ndalo duto mane Kuros rito piny, ne gimiyo jodonge asoya mondo oketh wach jo-Juda. Mano nodhi nyime nyaka ndalo loch Darius ruodh Persia.

Isaya 13:17

Abiro kelo jo-Media, ma ok dew fedha kata ok gomb dhahabu, mondo omonjgi.

Isaya 21:2

Ne aneno kaka dala mandhogo ji, ondhogi. Ne awinjo ka Nyasaye jiwo jo-Elam kod jo-Media ni mondo odhi omonj Babulon kendo olwore, mondo sungane orum.

Isaya 44:28

To Kuros anyiso niya, ‘Ibiro bedo jakwadha, kendo ibiro timo gik moko duto ma adwaro, kigolo chik mondo ochak oger Jerusalem, mi chak ket mise mag Hekalu kendo.’ ”

Jeremia 51:11

Ruoth Nyasaye osewinjo ruodhi mag Media, nikech odwaro ketho Babulon, mondo ochulgo ni Babulon kuor kuom ketho Hekalu mare. Jotend jolweny golo chik niya, “Piaguru aserni, kendo ikreuru gi tonge.

Daniel 10:5

Ne ating’o wang’a mi aneno ng’at morwako law maber, kendo otueyo okanda mar dhahabu.

Daniel 2:39

Ka isetho, to ruoth moro nobedie, ma lochne ok nobed maduong’ ka mari. Bang’ mano ruoth mar adek nobedie, ma nobed gi loch kuom piny duto. (En ema em gi nungo mar mula nyiso.)

Daniel 5:31

mi Darius ja-Media okawo loch pinyno, ka en jahigni piero auchiel gariyo.

Daniel 6:28

Kamano Daniel ne odhi nyime maber e ndalo loch Darius, kendo e ndalo loch Kuros ja-Persia.

Daniel 7:5

Bang’e ne aneno ondiek mar ariyo, ma chalo gi dubu, kochung’ gi tiendene ma yo kachien. Ne oriwo ng’ede adek e dhoge, kendo ne awinjo ka dwol moro wachone niya, “Cham achama ring’o nyaka iyieng’ chuth.”

Daniel 8:2

Ei fwenyno ne apo ka aneno ni ne an Susa, dala maduong’ mar piny Elam, ka achung’ e bath aora Ulai.

Daniel 8:20

“Im man gi tunge ariyo mane ineno cha, nyiso loch Media gi loch Persia.

Zekaria 1:18

Ne ating’o wang’a mi aneno tunge ang’wen.

Zekaria 2:1

Ne ating’o wang’a mi aneno ng’ato koting’o tond pimo e lwete.

Zekaria 5:1

Ne ating’o wang’a, mi aneno kalatas moban kahuyo e kor yamo.

Zekaria 5:5

Malaika mane wuoyo koda cha ne oduogo ira mowachona niya, “Ting’ wang’i mondo ineye gima birono kaka chalo.”

Zekaria 5:9

Bang’ mano ne aneno mon ariyo mahuyo e kor yamo, ka biro irwa gi buombe machalo buombe ogungo. Ne gikawo atonga, mi gidhigo e kor polo malo.

Zekaria 6:1

Ne achako ating’o wang’a, mi aneno geche lweny ang’wen ka wuok e kind gode ariyo. To godego ne mag mula.

Kwan 24:2

kendo kane ong’icho, noneno jo-Israel koguro kambigi kochanore e dhoutgi. Eka teko mar Nyasaye nobiro kuome,

Joshua 5:13

Kane Joshua ochopo machiegni gi Jeriko, noneno ng’at mochung’ e nyime, koting’o ligangla, Joshua nodhi ire, mopenje niya, “In jakorwa, koso jasikiwa?”

Fweny 13:11

Eka ne achako aneno ondiek machielo kawuok ei piny. Ne en gi tunge ariyo machalo gi mag nyarombo, to nowuoyo kaka thuol wuoyo.

Fweny 5:6

Eka naneno Nyarombo kochung’ e dier kom maduong’, kama ne gik mangima ang’wen kod jodongo olworo. Nyarombo ne nenore ka gima osenegi, to ne en gi tunge abiriyo, ma gin Roho abiriyo mag Nyasaye, ma oseor e piny ngima.