Daniel 8:21 - MUMA MALER 2015

²¹ To nyuok nyiso loch Gris, kendo tung’ maduong’ manie pat wang’e nyiso ruodh Gris mokwongo.

Motingʼo Loko Manyien

²¹ Nywok moyugnono en ruodh jo-Yunani, to tung marangʼongo manie pat wangʼe e ruoth mokwongo.

Daniel 8:21 ပူးပေါင်းရင်းမြစ်များ

Daniel 10:20

Eka ne openja niya, “Bende ing’eyo gima omiyo asebiro iri?

Daniel 11:2

“To koro adwaro nyisi gima biro timore adier. “Ruodhi adek moko biro bet e piny Persia, to bang’gi ruoth mar ang’wen nowuogi, ma nobed gi mwandu mang’eny moloyogi. Bang’e ka mwandune osemiyo oguro lochne motegno, to nothuw ogendini duto gi ruodhi Gris.

Daniel 11:3

Eka bang’ mano ruoth moro ma jalweny nowuogi. Enobed ruodh piny maduong’ kendo notim gimoro amora mohero.

Daniel 2:39

Ka isetho, to ruoth moro nobedie, ma lochne ok nobed maduong’ ka mari. Bang’ mano ruoth mar adek nobedie, ma nobed gi loch kuom piny duto. (En ema em gi nungo mar mula nyiso.)

Daniel 7:6

Kane pod ang’icho, naneno ondiek machielo machalo gi kwach. Ne en gi buombe ang’wen e dieng’eye ka mag winyo, kendo en gi wiye ang’wen! Bende ne omiye teko mar rito piny.

Daniel 8:20

“Im man gi tunge ariyo mane ineno cha, nyiso loch Media gi loch Persia.

Daniel 8:22

Tunge ang’wen mane otwi kane tung’ mokwongo osemukore nyiso loch ruodhi ang’wen ma biro betie ka pinyno osepogore, to ok ginibed motegno ka loch ruoth mokwongo.

Zekaria 9:13

Aseloko Juda atung’ kendo asetimo Israel asere. Asekawo yawuoti yaye Sayun, mi aloko ligangla ma akedogo gi jo-Yunani.”