Daniel 8:15 - MUMA MALER 2015

¹⁵ An Daniel natemo mondo ang’e tiend fwenyno, mi apo ka aneno gima chalo dhano kochung’ e nyima.

Motingʼo Loko Manyien

¹⁵ An, Daniel, kane oyudo pod aparo kuom wachni kendo angʼe tiende, napo kaneno gima chalo gi dhano kochungʼ e nyima.

Daniel 8:15 ပူးပေါင်းရင်းမြစ်များ

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.

Daniel 10:16

Eka gimoro machalo gi dhano nomulo pien dhoga, mi achako wuoyo, ne awacho ni gima chalo dhano mane ochung’ e nyimano niya, “Jaduong’, fweny ma asenenoni ochwowo chunya, omiyo tekra orumo.

Daniel 10:18

Eka ne ochako omula kendo, mi awinjo ka ayudo teko.

Daniel 10:5

Ne ating’o wang’a mi aneno ng’at morwako law maber, kendo otueyo okanda mar dhahabu.

Daniel 12:8

Ne awinjo gima owacho, to ne ok ang’eyo tiendgi, omiyo napenje niya, “Jaduong’, giko mar gigi nobed nadi?”

Daniel 7:13

Kane aleko gotienono ne aneno gima chalo dhano kabiro ei boche polo, mi oter ir ng’at ma nyaka nene.

Daniel 7:28

Mano e giko wechego, to an Daniel ne abwok ahinya, mi denda ojuol, to ne ok anyiso ng’ato wechego.

Daniel 8:1

E higa mar adek mar loch Belshazar, an Daniel naneno fweny machielo machal gi mokwongono.

Daniel 8:19

eka owachona niya, “Adwaro nyisi gima notimre bang’ masiche ma mirimb Nyasaye osekelo, nikech fwenyno nyiso gik mabiro timore e ndalo mag giko.

Zekaria 1:9

Kane anenogi kamano, ne apenjo malaika moro mane oyudo wuoyo koda niya, “Jaduong’, magi ang’o?” Ne odwoka ni, “Abiro nyisi tiendgi.”

Mathayo 13:36

Eka Yesu noweyo ji, modonjo e ot. Jopuonjrene ne odhi ire, mokwaye ni mondo oloknigi tiend ngech ogolo mochwo e puodho.

Mathayo 24:15

“Ka uneno Gima Kuero Makelo Kethruok, mane janabi Daniel owuoyo kuome, kochung’ e Hekalu,

Mathayo 24:30

“Bang’ mano ranyisi ma nyiso ni Wuod Dhano chiegni duogo nonenre e kor polo, mi ogendini duto manie piny noywagre, kendo ginine Wuod Dhano kabiro e boche polo gi teko kod duong’ maler.

Mariko 13:14

“Ka uneno Gima Kuero Makelo Kethruok kochung’ kama ok owinjore ochung’ie, to joma nie piny Judea nyaka ring dhi pondi e gode. (Ng’ama somo wachni mondo ong’e tiende!)

Mariko 4:12

‘Kata da ging’ichi manadi, to ok ginyal ng’eyo, kendo kata da giwinji manadi, to wach ok nyal donjonigi, nimar dipo ka giloko chunygi, mi owenigi richogi’.”

Joshua 5:14

Ng’atno nodwoke niya, “An ka kaka jaduong’ jolweny mag Ruoth Nyasaye.” Joshua nogoyo chonge piny, mokulore nyaka e lowo, mowacho niya, “Ang’o midwaro mondo atim ruodha?”

Fweny 1:13

to e dier teynigo ne nitie gimoro machalo dhano, morwakore gi kandhu mochopo nyaka e tiende piny, kendo otweyo kore gi okanda mar dhahabu.

Fweny 13:18

To fwenyo tiend wachno dwaro rieko. Ng’at man gi rieko mondo okwan namba mar Ondiek, nikech nambano ochung’ kar nying dhano. Nambane en mia auchiel gi piero auchiel gauchiel.