Daniel 8:13 - MUMA MALER 2015

¹³ Bang’e nawinjo ka malaika moro penjo malaika machielo niya, “Gik mane otimore e lwenygo biro siko kamano nyaka karang’o ka richo malich ema itimo kar misengni mitimo pile, kendo ka ogend lweny mag polo gi Hekalu inyono piny?”

Motingʼo Loko Manyien

¹³ Eka nawinjo malaika moro kapenjo malaika wadgi niya, “Biro kawo kinde marom nadi mondo fwenyni ochop kare; ma en fweny man kuom misengini mitimo pile ka pile, gi ngʼanyo makelo kethruok, gi ketho kama ler mar lemo kod nyono oganda mar Jehova Nyasaye piny?”

Daniel 8:13 ပူးပေါင်းရင်းမြစ်များ

Zaburi 74:10

A Nyasaye, wasikwa biro jarowa kuom kinde marom nadi? Koso gibiro yanyo nyingi nyaka chieng’?

Zaburi 74:9

Ok wanyal neno gik maler mane watiyogo e lemo, bende koro waonge jonabi. Waonge gi ng’at mong’eyo ni gima osetimoreni biro siko nyaka karang’o.

Zaburi 79:5

A Nyasaye, ibiro kecho kodwa nyaka karang’o? Koso mirimbi biro siko ka liel ka mach nyaka chieng’?

Isaya 28:18

mi winjruok mane utimo gi tho, kethre, kendo singruok mane utimo gi Piny Joma Otho, rum. Pi mabubni noywo gik moko, mi unuchal gi piny ma ohula omwomo!

Isaya 6:11

Bang’e ne apenjo niya, “Yaye Ruoth Nyasaye, gima kamano biro timore nyaka karang’o?” Eka nodwoka niya, “Mano biro timore nyaka mier lokre gundni, mi udi dong’ nono, ma onge ng’ama odakie, kendo piny kethre chuth,

Isaya 63:18

Ere gima omiyo joricho osedonjo e Hekalu mari? Koso ang’o momiyo wasikwa osenyono kama ilamie?

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.

Jeremia 12:10

Jotelo mag pinje mamoko oseketho puotha mar mzabibu. Gisenyono puothena piny gi tiendgi, mi giloko pinya maber odoko motwo ma ok nyag gimoro.

Daniel 11:31

Ogendini mage moko mag lweny nodwany Hekalu kod kuondene mochiel motegno, mi ginimi ji we timo misengni mitimo pile, kendo ginichung gima kuero makelo kethruok.

Daniel 12:11

“Chakre chieng’ ma ji nowee timo misengni mitimo pile, tiende ni chakre kinde ma ochungie gima kuero makelo kethruok, ndalo alufu achiel gi mia ariyo gi piero ochiko nokadhi.

Daniel 12:8

Ne awinjo gima owacho, to ne ok ang’eyo tiendgi, omiyo napenje niya, “Jaduong’, giko mar gigi nobed nadi?”

Daniel 4:10

“Kane oyudo anindo, naneno yath marabora e dier piny tir.

Daniel 4:13

To kane pod aparo gima ne anenono, ne apo ka aneno malaika ma jarit ka lor a e polo.

Daniel 4:23

To bende nineno malaika ma jarit kaa e polo mowacho niya, ‘Ng’ad yadhni oko, mi ikethi, to osikine iwe kochung’ e lowo. Itueye alwora gi nyinyo kod mula, mi iwe kodong’ ei lum e pap kanyo. Kamano ng’atni mondo odag gi le e thim nyaka higni abiriyo, kendo tho omok kuome.’

Daniel 7:16

Omiyo ne adhi ir ng’at achiel kuom joma ne ochung’ kanyo, mi apenje mondo onyisa tiend fwenygo. Eka nonyisa, kowachona niya,

Daniel 7:23

Eka ne onyisa kama, “Ondiek mar ang’wenno nyiso loch mar ruoth mar ang’wen ma biro bet e piny, kendo nobed mopogore gi loch mamoko duto. Enokwak piny duto, kendo nonyone piny, mokethe chuth.

Daniel 9:27

Jatelono nolos winjruok motegno gi ji mang’eny kuom higni abiriyo, kendo nomi ji owe timo misengni kendo owe kelo chiwo kuom higni adek gi nus. Gima kuero makelo kethruok nobed ewi osuri mar Hekalu nyaka ng’at mane okete kanyo chopi e giko mane Nyasaye oketone.”

Zekaria 1:19

Eka ne apenjo malaika mane wuoyo koda ni, “Magi to ang’o?” Ne odwoka ni “Gin ruodhi mosekeyo jo-Juda gi jo-Israel kod jo-Jerusalem.”

Zekaria 14:5

Unutony kuluwo hohono, nimar enochwe nyaka dhoranga dala. Adier, unutony kaka jou notony higni mang’eny mokadho, ka giringo yiengni piny mane otimore e ndalo Uzia ruodh Juda. Bang’e Ruoth Nyasaye ma Nyasacha nobi kaachiel gi malaika mage duto.

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Mathayo 24:15

“Ka uneno Gima Kuero Makelo Kethruok, mane janabi Daniel owuoyo kuome, kochung’ e Hekalu,

Mariko 13:14

“Ka uneno Gima Kuero Makelo Kethruok kochung’ kama ok owinjore ochung’ie, to joma nie piny Judea nyaka ring dhi pondi e gode. (Ng’ama somo wachni mondo ong’e tiende!)

Luka 10:22

“Wuora oseketo gik moko duto e lweta. To onge ng’ama ong’eyo Wuowi, mak mana Wuowi kod joma Wuowi omiyo ong’eye.”

Luka 21:20

“Ka uneno ka ogend lweny olworo Jerusalem, to ng’euru ni kinde mikethee osechopo!

Luka 21:24

Moko kuomgi noneg e lweny, to moko nomaki mi ter e pinje mamoko duto, kendo ogendini ma ok jo-Yahudi nonyon Jerusalem nyaka chop ndalo lochgi rum.

Johana 1:18

Onge ng’ama oseneno Nyasaye, to Wuowi ma miderma, machiegni gi Wuoro moloyo, ema osemiyo wang’eye.

Rapar mar Chik 33:2

“Ruoth Nyasaye nobiro koa Sinai. Ne orienynigi gie Seir, kendo gie got Paran. Nobiro ka ji maler gana gi gana oruowo e bathe ma korachwich.

1 Jo-Thesalonika 3:13

Ruoth mondo oteg chunyu ubed joma onge bura, ka ubedo maler e nyim Nyasaye Wuonwa, chieng’ ma Ruodhwa Yesu biroe kod joge duto.

Jo-Hibrania 10:29

To koro parieuru kum malit moloyo ma ng’at machayo Wuod Nyasaye onego yudi! Ng’at ma kamano osekawo remo mar singruok mane opwodhego ka gima nono, kendo osejaro Roho mar ng’wono!

1 Petro 1:12

Ne onyisgi ni tich koro mane gitiyo ne ok giti ni gin giwegi, to ne gitiyo mana ni un, kendo koro joland wach mane okelonu Injili kuom teko mar Roho Maler mane oor koa e polo, osehulonu wechego ratiro. Gin e weche ma kata mana malaika bende gombo ng’eyo ahinya.

Juda 1:14

Enoka, nyakwar Adam kuom tieng’ mar abiriyo, nokoro wach jogo, kane owacho niya, “Neuru! Ruoth osebiro gi oganda mang’ongo mar joge maler,

Fweny 11:2

To iwe laru maoko manie nyim Hekalu mak ipimo, nimar osemiye joma ok jo-Yahudi, kendo gibiro nyono dala maler gi tiendegi kuom dueye piero ang’wen gariyo.

Fweny 6:10

Ne gikok matek niya, “Yaye, Ruoth Maler kendo Maradiera! Nyaka karang’o mapod ibiro bet ka ok ing’adoe bura ni joma odak e piny, kichulo kuor kuom rembwa?”

Jong’ad Bura 13:18

To malaika nopenje ni, “Marang’o idwaro ng’eyo nyinga, to en nying modhiero ji ng’eyo?”