Daniel 7:14 - MUMA MALER 2015

¹⁴ Eka ne oyudo teko gi duong’ kod loch mar rito piny, mondo ji manie piny ngima, bed ni gia e dhoot mane, kata giwacho dhok mane, otine. Tekone ne biro bedo mosiko, kendo lochne bende ne onge ng’ama nyalo ketho.

Motingʼo Loko Manyien

¹⁴ Eka nomiye teko gi duongʼ kod loch; kendo ogendini duto gi pinje duto kod jogo duto mawacho dhok mopogore opogore nolame. Lochne en loch mosiko nyaka chiengʼ, kendo pinyruodhe en pinyruoth ma ok nyal tieki ngangʼ.

Daniel 7:14 ပူးပေါင်းရင်းမြစ်များ

Zaburi 102:22

e kinde ma ogendini gi ruodhigi nochokre kanyakla mondo olame.

Zaburi 103:19

Ruoth Nyasaye noguro kom duong’ne e polo. En e ruodh gik moko duto.

Zaburi 145:13

Lochni en loch mochwere. In e Ruoth nyaka chieng’. Ruoth Nyasaye ochopo singruokne duto, kendo timbene duto beyo.

Zaburi 146:10

Ruoth Nyasaye nobed ruoth nyaka chieng’. A Sayun, Nyasachi nobed gi loch mochwere. Pakuru Ruoth Nyasaye!

Zaburi 45:6

Lochni chalo gi loch Nyasaye mosiko nyaka chieng’, kendo irito pinyi gi adiera,

Zaburi 72:11

Kamano ruodhi duto nokulrene, kendo ogendini duto notine.

Zaburi 72:17

Wich kik wil gi nyinge, kendo humbe mondo osiki nyaka chieng’. Ogendini duto mondo opake, kendo onego ji duto kwa Nyasaye mondo oguedhgi kaka oseguedho ruoth.

Zaburi 8:6

kendo ne ikete ruodh gik moko duto mane ichueyo. Adier, ne iketo gik moko duto e bwo tiende,

Isaya 16:5

to kom loch nogur kuom ng’wono mar Nyasaye, kendo jang’ad bura mar adier ma nyakwar Daudi ema nobed e komno. Enobed ng’at madwaro mana adiera, kendo ma timo gik makare mak odeko.

Isaya 60:12

Ogendini gi pinje motamore tiyoni biro lal nono, mi kethre chuth.

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Daniel 2:35

Gi kanyono nyinyo gi lowo gi mula gi fedha kod dhahabu nokere okere mana ka mihudhi ma yamo tero e ndalo oro, maonge kata matin modong’. To kidi mane ogoyo kidono nolokore got maduong’ mopong’o piny ngima.

Daniel 2:37

Jaduong’, in e ruoth maduong’ie moloyo ruodhi duto. Nyasach polo oseketi ruoth, mi omiyi loch gi teko kod duong’,

Daniel 2:44

E kinde loch ruodhigo, Nyasach Polo nokel loch moro ma ok norum. Onge ng’ama noketh lojno, to en ema noketh loch mamoko duto, mi otiek chuth. En to nosik kogurore nyaka chieng’.

Daniel 3:4

Eka jago milome nolando wach gi duol maduong’ niya, “Un ji duto mae piny ngima, bed ni ua e dhoot mane kata bed ni uwacho dhok mane,

Daniel 4:3

“Ranyisi mag Nyasaye dongo manade! Honni motimo nigi teko malich miwuoro! Lochne osiko nyaka chieng’.

Daniel 6:26

Asegolo chik e pinje duto manie bwo lochna ni ng’ato ka ng’ato nyaka luor Nyasach Daniel kendo miye duong’. En e Nyasaye Mangima, mosiko nyaka chieng’. Lochne gi tekone ok norum.

Daniel 7:18

To jo-Nyasaye Maduong’ Moloyo biro yudo loch mar rito piny, kendo ginisik gi lojno nyaka chieng’.”

Daniel 7:27

Eka teko kod duong’ mar ruodhi duto mae piny nochiw ni jo-Nyasaye Maduong’ Moloyo. Tekogi mag loch mar rito piny nosik mochwere, kendo ruodhi duto mae piny nobed katiyonigi kendo miyogi luor.”

Obadia 1:21

Jo-Israel biro dhi e got Sayun mondo oresi, mi god Esau nobed e bwo lochgi. To Ruoth Nyasaye ema nobed ruoth.

Mika 4:7

Ging’ol kendo osedargi mabor gi pinygi, to kata ginok kamano, to abiro miyo gibed oganda maduong’, kendo abiro bedo ruodhgi e got Sayun, chakre chieng’no nyaka chieng’.”

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Luka 1:33

mi enobed ruodh nyikwa Jakobo nyaka chieng’, kendo lochne ok norum.”

Luka 10:22

“Wuora oseketo gik moko duto e lweta. To onge ng’ama ong’eyo Wuowi, mak mana Wuowi kod joma Wuowi omiyo ong’eye.”

Johana 12:34

To ji nodwoke niya, “Chikwa osepuonjowa ni Mesia nobedie nyaka chieng’. Koro ere kaka inyalo wacho ni nyaka ting’ Wuod Dhano malo? Wuod Dhano to en ng’a?”

Johana 3:35

Wuoro ohero Wuowi, kendo oseketo gik moko duto e lwete.

Jo-Hibrania 12:28

Emomiyo wagouru erokamano ni Nyasaye, nikech wanwang’o piny manyien ma ok nyal yiengni, walameuru kaka owinjore, ka wamiye duong’ kod luor,

1 Petro 3:22

ma osedhi e polo, mi obet e bat korachwich mar Nyasaye, gi ruodhi mag polo duto, kendo kuom teko duto.

Fweny 1:6

mi omiyo wadoko oganda ruodhi matiyone kaka jodolo mag Nyasache kendo Wuon mare. Duong’ kod teko obedne nyaka chieng’! Amin.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 3:21

To ng’at molocho anami bed koda e kom duong’na, mana kaka an bende ne alocho, mi abet kod Wuora e kom duong’ne.