Daniel 6:7 - MUMA MALER 2015

⁷ Wan duto ma wan jotend pinyi, wasewinjore ni onego igol chik mager ni, kuom ndalo piero adek ng’ato kik kwa gimoro kuom Nyasaye moro amora kata kuom dhano moro, to mak mana kuomi, in ruoth. To ng’ato ang’ata moketho chikno nyaka wit e bur sibuoche.

Motingʼo Loko Manyien

⁷ Jotend jotich duto mag ruoth, kaachiel gi jochik jotich, gi jorit pinje, gi jongʼad rieko kod jotend jorit pinje osewinjore ni ruoth onego ogol chik, kendo one ni chikno otiyo, mondo ngʼato angʼata molamo nyasaye moro amora kata dhano moro amora kuom ndalo piero adek mabiro, ma ok in, yaye ruoth, to mondo obol e bur sibuoche.

Daniel 6:7 ပူးပေါင်းရင်းမြစ်များ

Zaburi 10:9

Okiye kama opondoe mana ka sibuor. Ee, okiyo ng’at ma odwaro nego, ka ochike gi obadho nyaka omake, kendo oywaye kotere kuma odwaro.

Zaburi 2:2

Ruodhi mag piny gi jotelo hodho wach mondo opiem gi Ruoth Nyasaye kod ruoth moyiero.

Zaburi 59:3

Ok aseketho, kata timo gimoro marach, to joma kwinygo chokore mondo omonja, kendo gikiya mondo ginega.

Zaburi 59:5

Bi iwuon mondo ine gi wang’i, yaye Nyasach Israel! Chiew mondo ikum ogendini ma ok ong’eyi, kendo kik ikech andhoke ma jorichogo.

Zaburi 62:4

Udwaro gole mondo oa e duong’ne, kendo umor gi wacho miriambo. Uguedhe gi dhou maoko, to chunyu maiye kuong’e akuong’a.

Zaburi 83:5

Giwinjore e weche ma giwacho, kendo giriworeni giduto.

Zaburi 94:20

In ibet mabor gi jong’ad buch amwor, ma miyo timbe maricho nenore ka gik ma chik oyiego,

Daniel 2:4

Ne gidwoke gi dho Aram niya, “Ruoth, onego idag aming’a! Nyiswa lekni mondo wahulni tiende.”

Daniel 3:11

To ng’at ma ok okulore mi olame nyaka wit piyopiyo e mach makakni.

Daniel 3:2

Bang’e nochiko mondo jotelo madongo gi matindo duto mag pinye obi ochokre e rueko mar kido mane osechungono.

Daniel 3:27

Jotelo duto mag ruoth kaachiel gi jong’adne rieko, nochokore mondo oneye joma ne mach otamore wang’ogo. Yie wigi ne ok orewore, kata lepgi ne ok owang’ to bende ne ok gidum much iro ka joma ne owuok e mach adier.

Daniel 3:6

To ng’ato ang’ata ma ok okulore piny kendo olemo, ibiro wit piyopiyo e mach makakni.”

Daniel 6:16

Mano omiyo ruoth nogolo chik, mi okaw Daniel owiti e bur sibuoche. To nowacho ni Daniel niya, “Onego Nyasachi ma itiyone gi adiera duto, resi e masirani.”

Daniel 6:22

Nyasaye oseoro malaikane, mi omako dho sibuoche mondo kik hinya. Osetimo kamano nikech ong’eyo ni aonge gi ketho, to bende nikech pok atimo gimoro marach e nyimi ruoth.”

Mika 6:5

Un joga, parieuru gima ne Balak ruodh Moab ochano timonu. Kendo kaka Balaam wuod Beor nodwoke. Bende parieuru gik mane otimore e yo, kua Shitim udhi Gilgal, mana ni mondo ung’e timbe madongo mane atimo mondo aresugo.”

Nahum 2:12

Nineve ne chalo gi sibuor. Nonego wasike mondo opidhgo nyithinde kod monde, mi opong’o dalane kod mieche mamoko gi mwandu moyaki kaachiel gi wasumbni.

Mathayo 12:14

To jo-Farisai nowuok, modhi ochano kaka digineg Yesu.

Mathayo 26:4

Ne gichano kaka digimak Yesu ling’ling’ mondo ginegi.

Mariko 15:1

Kane piny oru gokinyi mang’ich jodolo madongo nopimo wach piyopiyo gi jodongo gi jopuonj Chik kod jobura mamoko duto. Eka ne gitueyo Yesu, mi gitero e nyim Pilato.

Johana 12:10

Mano omiyo jodolo madongo nochano mondo oneg Lazaro bende,