Daniel 6:27 - MUMA MALER 2015

²⁷ En ema owaro ji kendo oreso, kendo en ema otimo honni e polo gi piny. Ne oreso Daniel e dho sibuoche.”

Motingʼo Loko Manyien

²⁷ En ema oreso kendo okonyo ji; otimo honni gi ranyisi e polo kendo e piny. En ema noreso Daniel e dho sibuoche.”

Daniel 6:27 ပူးပေါင်းရင်းမြစ်များ

Ayub 36:15

To Nyasaye kelo ni ji chandruok mondo opuonjgigo, kendo omiyogi chuny lit mondo wang’gi oyepi.

Zaburi 145:13

Lochni en loch mochwere. In e Ruoth nyaka chieng’. Ruoth Nyasaye ochopo singruokne duto, kendo timbene duto beyo.

Zaburi 18:48

kendo koresa kuom wasika. En e ruoth Nyasaye mane omiyo aloyo joma ne piem koda, kendo mane ogola kuom jomahundu.

Zaburi 18:50

Nyasaye kelo resruok maduong’ ni ruoth moketo. Ee, ohero ng’at moyiero gi hera mosiko, ma en Daudi gi kothe nyaka chieng’.

Zaburi 32:7

In e kuma apondoe, omiyo ibiro resa e masira. Apaki gi dwol maduong’ nikech iwara kendo irita.

Zaburi 35:17

A Ruoth Nyasaye, pod ibiro ranga aranga nyaka karang’o? Konya e lwet wasikago mondo kik hinya. Adier, resa kuom sibuochegi!

Zaburi 97:10

A Nyasaye, ihero joma mon gi richo. Irito ngima jogi, kendo iresogi e lwet joricho.

Jeremia 10:10

To Ruoth Nyasaye e Nyasaye maradier. En e Nyasaye mangima, kendo ruoth mochwere. Ka okecho to piny yiengni, kendo ogendini ok nyal siro mirimbe.

Daniel 2:44

E kinde loch ruodhigo, Nyasach Polo nokel loch moro ma ok norum. Onge ng’ama noketh lojno, to en ema noketh loch mamoko duto, mi otiek chuth. En to nosik kogurore nyaka chieng’.

Daniel 4:31

Kane pok dhoge olwar, dwol nowuoyo gi e polo niya, “Ruoth Nebukadnezar, winj gima awachoni. Osemayi pinyi kawuono.

Daniel 4:34

To kane higni abiriyogo oserumo, an Nebukadnezar ne ang’iyo polo malo, mi parona oduogo. Ne apako Nyasaye Maduong’ Moloyo ma osiko nyaka chieng’, mi amiye duong’ gi luor, ka awacho niya, “Lochne osiko nyaka chieng’.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Daniel 6:20

kendo kane ochopo machiegni, ne okok ka chunye parore, kowacho niya, “Daniel, jatich Nyasaye mangima! Donge Nyasaye ma itiyone gi adiera duto oseresi e dho sibuoche?”

Johana 4:48

Yesu nowachone niya, “Un, ka ok uneno ranyisi gi honni, to ok unyal bedo gi yie.”

Tich Joote 4:30

Rie badi mondo ichang ji, kendo imi ranyisi gi honni otimre e nying Yesu Jatichni Maler.”

Jo-Hibrania 2:4

Nyasaye owuon bende nonyiso ni en adier, kuom timo ranyisi gi honni kod tije madongo mopogore opogore, kendo kuom pogonwa mich mag Roho kaka en owuon odwaro.

1 Samuel 17:26

Daudi nopenjo joma nochung’ bute niya, “Ang’o ma ibiro timo ni ng’at ma nyalo nego ja-Filistia cha, kogolo wichkuot kuom jo-Israel? Ja-Filistia ma ok oter nyanguno en ng’a, ma dothian ni ogend Nyasaye mangima?”