Daniel 6:26 - MUMA MALER 2015

²⁶ Asegolo chik e pinje duto manie bwo lochna ni ng’ato ka ng’ato nyaka luor Nyasach Daniel kendo miye duong’. En e Nyasaye Mangima, mosiko nyaka chieng’. Lochne gi tekone ok norum.

Motingʼo Loko Manyien

²⁶ Asegolo chik ne pinje duto manie bwo lochna ni mondo ji duto oluor Nyasach Daniel kendo omiye duongʼ. “En e Nyasaye mangima; osiko manyaka chiengʼ; pinyruodhe ok nyal tieki, kendo lochne ok norum.

Daniel 6:26 ပူးပေါင်းရင်းမြစ်များ

Ezra 1:3

Jo-Ruoth Nyasaye duto man kuomu nyalo dhi Jerusalem e piny Juda mondo ochak oger Hekalu ni Ruoth Nyasaye ma Nyasach Israel, ma dalane en Jerusalem, kendo Nyasaye mondo obed kode.

Ezra 7:21

“To an ruoth Artaxerxes, agolo chik ni jokeno duto mag pinya man loka aora Yufrate, ni gimoro amora ma Ezra jadolo kendo japuonj chik Nyasach polo nodwar kuomu, nyaka umiye,

Zaburi 119:120

Luoro ma aluorigo miyo denda tetni. Buche ming’ado bende miyo kihondko maka.

Zaburi 146:10

Ruoth Nyasaye nobed ruoth nyaka chieng’. A Sayun, Nyasachi nobed gi loch mochwere. Pakuru Ruoth Nyasaye!

Zaburi 2:11

Tiuru ni Nyasaye gi luoro,

Zaburi 29:10

Ruoth Nyasaye obet e kom duong’ne ewi ataro, korito piny kaka ruoth nyaka chieng’.

Zaburi 42:2

A Nyasaye mangima, siso oloya kodi. Dayud thuolo karang’o mondo alem e nyimi?

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Jeremia 10:10

To Ruoth Nyasaye e Nyasaye maradier. En e Nyasaye mangima, kendo ruoth mochwere. Ka okecho to piny yiengni, kendo ogendini ok nyal siro mirimbe.

Daniel 2:44

E kinde loch ruodhigo, Nyasach Polo nokel loch moro ma ok norum. Onge ng’ama noketh lojno, to en ema noketh loch mamoko duto, mi otiek chuth. En to nosik kogurore nyaka chieng’.

Daniel 3:29

Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”

Daniel 4:3

“Ranyisi mag Nyasaye dongo manade! Honni motimo nigi teko malich miwuoro! Lochne osiko nyaka chieng’.

Daniel 4:34

To kane higni abiriyogo oserumo, an Nebukadnezar ne ang’iyo polo malo, mi parona oduogo. Ne apako Nyasaye Maduong’ Moloyo ma osiko nyaka chieng’, mi amiye duong’ gi luor, ka awacho niya, “Lochne osiko nyaka chieng’.

Daniel 6:20

kendo kane ochopo machiegni, ne okok ka chunye parore, kowacho niya, “Daniel, jatich Nyasaye mangima! Donge Nyasaye ma itiyone gi adiera duto oseresi e dho sibuoche?”

Daniel 7:14

Eka ne oyudo teko gi duong’ kod loch mar rito piny, mondo ji manie piny ngima, bed ni gia e dhoot mane, kata giwacho dhok mane, otine. Tekone ne biro bedo mosiko, kendo lochne bende ne onge ng’ama nyalo ketho.

Daniel 7:27

Eka teko kod duong’ mar ruodhi duto mae piny nochiw ni jo-Nyasaye Maduong’ Moloyo. Tekogi mag loch mar rito piny nosik mochwere, kendo ruodhi duto mae piny nobed katiyonigi kendo miyogi luor.”

Hosea 1:10

“To kata kamano jo-Israel nobed mang’eny ma ok nyal kwan kata pim, mana ka kuoyo mae dhonam. Sani koro awachonigi ni ok gin joga, kendo chieng’ moro nawachnigi niya, ‘Un nyithind Nyasaye mangima’,

Malaki 3:6

Ruoth Nyasaye omedo wacho niya, “An Ruoth Nyasaye, kendo ok alokra. Mano emomiyo un nyikwa Jakobo pok urumo chuth.

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

Luka 1:33

mi enobed ruodh nyikwa Jakobo nyaka chieng’, kendo lochne ok norum.”

Luka 12:5

To adwaro nyisou ng’at monego uluor; Luoruru Nyasaye nimar en ema en gi teko, ma, ka oseneg ng’ato to onyalo wito e mach mak tho. Adier awachonu ni, luoruru Jalo!

Tich Joote 17:25

To bende kata obedo ni oyie mondo dhano otine, to onge gima ochando, nikech en owuon ochiwo ngima kod gik moko duto ni ji duto.

Jo-Rumi 9:26

kendo kama ne okwergie chon ni, ‘Ok un joga,’ e kama noluonggie ni, nyithind Nyasaye Mangima.”

Rapar mar Chik 5:26

nikech onge ng’at moro amora mosewinjo dwond Nyasaye mangima kawuok e mach, kaka wasewinjo, to pod ngima.

1 Jo-Thesalonika 1:9

nikech jogo duto wacho giwegi kaka ne urwakowa kane walimou, kendo kaka ne ulokoru uweyo nyiseche manono mondo uti ni Nyasaye maradier kendo mangima.

Jo-Hibrania 12:29

nikech Nyasachwa en mach ma tieko gik mowang’o duto.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Fweny 4:10

to jodongo piero ariyo gang’wen-go podho e nyim Jal mobet e kom duong’no, kendo gilamo Jal mantie nyaka chieng’. Gibolo osimbegi e nyim komno, ka giwacho niya,

Fweny 5:14

Eka gik mangima ang’wen-go nodwoko ni, “Obed kamano”, kendo jodongo nopodho piny mi olemo.

1 Samuel 17:26

Daudi nopenjo joma nochung’ bute niya, “Ang’o ma ibiro timo ni ng’at ma nyalo nego ja-Filistia cha, kogolo wichkuot kuom jo-Israel? Ja-Filistia ma ok oter nyanguno en ng’a, ma dothian ni ogend Nyasaye mangima?”

1 Samuel 17:36

Asenego sibuoche gi ondiegi, omiyo ja-Filistia ma kia Nyasayeno bende biro tho mana ka ondiegigo, nikech othiano ni ogend Nyasaye mangima.”