Daniel 6:24 - MUMA MALER 2015

²⁴ Bang’ mano, ruoth ne ogolo chik ni mondo joma ne odonjo ni Daniel owiti e bur sibuoche kaachiel gi mondgi kod nyithindgi. To kane owitgi e bur kamano, sibuoche ne ongamogi moturo chokegi duto matindotindo, mana kapok gichopo kata e pier bur piny.

Motingʼo Loko Manyien

²⁴ Ruoth nogolo chik, mi joma nohango ne Daniel wach nokel nobol e bur sibuoche, kaachiel gi mondgi gi nyithindgi. To sibuoche nongamogi gi ewi yamo kapok gichopo piny, kendo noturo chokegi duto matindo tindo.

Daniel 6:24 ပူးပေါင်းရင်းမြစ်များ

2 Ruodhi 14:6

Ne ok onego yawuot jonekgo, to noluwo wach mondiki e Kitap Chik mar Musa, kama Ruoth Nyasaye owachoe niya, “Kik uneg wuone nikech richo mag nyithindgi, kata kik uneg nyithindo nikech richo mag wuonegi, to ng’ato ka ng’ato noneg mana nikech richone owuon.”

Zaburi 54:5

Richo wasika onego odog e wigi giwegi! A Ruoth Nyasaye, tiekgi nikech in jaadiera.

Ngeche 11:8

Ng’at makare resore e chandruok. Jaricho to nyumore e masira.

Ngeche 19:9

Janeno mariambo ok nyal tony mak okum. Ng’at ma kamano nolal nono.

Isaya 38:13

kendo aywak ka an gi rem malit nyaka piny ru. Chokena duto otur, mana ka gima sibuor ema oturo. Adier, isanda, chakre okinyi nyaka odhiambo,

Jeremia 34:17

Kuom mano, an Ruoth Nyasaye awacho ni ne achikou mondo uwe jo-Hibrania weteu thuolo, to ok userito chiknano, emomiyo abiro weyou thuolo, to mana ni mondo lweny gi tuoche kod kech onegu! Abiro miyo ogendini duto manie piny bed maluor konenou. An Ruoth Nyasaye ema awacho kamano.

Daniel 3:22

To nikech chik ruoth ne ger, kendo mach ne liet malich, omiyo joma ne oting’o Shadrak gi Meshak kod Abednego katero e mach ne jowang’, mi orumo pep.

Rapar mar Chik 24:16

“Kik neg wuone nikech richo mag nyithinde, kata kik neg nyithindo nikech richo mag wuonegi, to ng’ato ka ng’ato noneg mana nikech richone owuon.