Daniel 6:23 - MUMA MALER 2015

²³ Kane ruoth owinjo kamano ne obedo gi mor maduong’, mi ogolo chik mondo oywa Daniel oko. Omiyo ne giywaye oko, mi oyud ni onge ngima osetime kata mana matin nono, nikech ne ogeno kuom Nyasache.

Motingʼo Loko Manyien

²³ Ruoth ne mor ahinya mi nogolo chik mondo ogol Daniel ei bur sibuoche. Kane ogol Daniel oko e bur sibuoche, to ne ok noyudi kama lit moro amora e dende, nikech nogeno kuom Nyasache kinde duto.

Daniel 6:23 ပူးပေါင်းရင်းမြစ်များ

1 Ruodhi 5:7

Kane Hiram owinjo weche Solomon, nomor ahinya, mowacho niya, “Apako Ruoth Nyasaye tinendeni, mosemiyo Daudi wuowi man gi rieko mondo otel ni oganda maduong’ kamano.”

1 Weche mag Ndalo 5:20

Nyasaye nokonyogi e lweny nikech ne giywakne kane gikedo. Nowinjogi nikech ne gigene, mi ne giloyo jo-Hagri gi ji duto mane jo-Hagri oseriworego.

2 Weche mag Ndalo 20:20

Jo-Juda ne ochiew gokinyi mang’ich mondo odhi e thim Tekoa, to kane gidhi, Jehoshafat nochung’ mowachonigi niya, “Winjuru un jo-Juda gi joma odak Jerusalem! Genuru kuom Ruoth Nyasaye ma Nyasachu, mi unukwo, kendo genuru kuom jonabi mage, mi unulo.”

Zaburi 18:21

nikechh naluwo yorene, kendo ok asepogora gi Nyasacha, ka adonjo e richo.

Zaburi 37:40

Okonyogi kendo oresogi kuom joma richo, nikech gidhi ire mondo okonygi.

Wuok 18:9

Jethro koro ne mor ahinya kowinjo ng’wono mane Ruoth Nyasaye otimo ni jo-Israel koresogi kuom jo-Misri.

Ngeche 18:10

Nying Ruoth Nyasaye chal gi dala mochiel motegno, ma ng’at makare nyalo ringo resoree.

Isaya 26:3

Joma parogi osiko kuomi, A Nyasaye, irito gi kue. Gin gi kue nikech gigeno kuomi.

Daniel 3:17

To kapo ni Nyasaye ma walamo nyalo resowa e mach kendo e tekoni, to kara obiro resowa.

Daniel 3:25

To nomedo penjogi niya, “Ka kamano, to ang’o momiyo aneno ji ang’wen kawuotho e mach, ka ok otue, to bende ok wang’? To ng’at mar ang’wen kuomgi chalo mana gi Nyasaye!”

Daniel 6:14

Kane ruoth owinjo kamano, chunye nochandore, mi otemo dwaro yo ma doresgo Daniel, kendo nobet koparo wachno nyaka chieng’ opodho.

Daniel 6:18

Bang’e ruoth nodok ode, mi onindo kech, kendo kata mana morne mapile ne ok otimo, bende nindo notamore tere.

Mariko 9:23

Yesu nodwoke ni, “Ere gima omiyo iwacho ni, ‘Kinyalo’? Gik moko duto nyalore ni ng’ama oyie!”

Jo-Hibrania 11:33

Yie ema ne omiyo giloyo pinje mamoko, kendo girito ji gi bura makare, mi giyudo ni Nyasaye ochopo singruokne.