Daniel 6:18 - MUMA MALER 2015

¹⁸ Bang’e ruoth nodok ode, mi onindo kech, kendo kata mana morne mapile ne ok otimo, bende nindo notamore tere.

Motingʼo Loko Manyien

¹⁸ Eka ruoth nodok e ode kendo otienono duto ne ok ochiemo bende ne ok oyie mondo joma mielne obi e nyime bende nindo notamore tere.

Daniel 6:18 ပူးပေါင်းရင်းမြစ်များ

2 Samuel 19:24

Mefibosheth nyakwar Saulo nobiro romo ni ruoth. To ne pok olwoko tiende, kata golo yie tike, kata mana lwoko lepe chakre chieng’ mane ruoth owuokie, nyaka chieng’ mane oduogoe koselocho.

1 Ruodhi 21:27

Kane Ahab owinjo wechego, noyiecho lepe, morwako pien gugru e dende. Notueyo chiemo, monindo e pien gugru, kendo nodembore koboch.

Ayub 21:12

bende gimielo thum kod asili.

Zaburi 137:2

Ne wang’awo thumbewa e yien man kanyo.

Zaburi 77:4

Nyasaye ne ok we anindi, kendo ne aparora ma ok anyal wuoyo.

Eklesiastes 2:8

Bende ne achoko fedha gi dhahabu mane igolo e ut keno mag ruodhi mag pinje mane aloyo. Chwo gi mon ne werna mondo omiya mor, kendo ne an gi mon duto ma ng’ama dichwo nyalo dwaro.

Ywagruok 3:53

Ne giluta e bur ka angima, mi gibolo kite kuoma.

Daniel 10:3

ka ok acham chiemo mabeyo, kendo ring’o kata divai ne ok amul. Bende ne ok awir denda gi mo kuom ndalogo duto.

Daniel 2:1

Ruoth Nebukadnezar ne oleko lek e higa mar ariyo mar lochne. Lekno nochando chunye ahinya ma ok onyal nindo.

Daniel 6:19

Nochiew huyuhuyu piny, moreto piyopiyo kodhi e bur sibuoche,

Fweny 18:22

Dwond joma goyo thum gi jower gi joma goyo asili gi joma goyo tung’ ok nochak owinj kuomi ngang’. Bende jotich matiyo tich moro amora ok nochak oyudi kuomi ngang’, kata dwond pong’ marego bende ok nowinji kuomi kendo.