Daniel 5:20 - MUMA MALER 2015

²⁰ To nikech ne odoko jasunga ma wiye tek kendo ma jakwinyo, ne omaye lochne kaachiel gi duong’ne.

Motingʼo Loko Manyien

²⁰ To ka nodoko jasunga ma wiye tek, kendo mopongʼ gi achaya, nogole oko e loch kendo omaye duongʼne.

Daniel 5:20 ပူးပေါင်းရင်းမြစ်များ

2 Ruodhi 17:14

To kata kamano, ne gidagi weyo yorego, nikech ne wigi tek ka wi kweregi mane ok oyie kuom Ruoth Nyasaye ma Nyasachgi.

2 Weche mag Ndalo 32:25

To Hezekia ne ok odwoko erokamano marom gi ber mane otimne, to nodoko jasunga. Emomiyo Ruoth Nyasaye nokecho kode kaachiel gi jo-Juda kod jo-Jerusalem.

2 Weche mag Ndalo 36:13

Bende ruoth Nebukadnezar nosemiyo okuong’ore e nying Nyasaye ni nobed e bwo lochne, to kata kamano nopiem kode, motamore duogo kuom Ruoth Nyasaye ma Nyasach Israel.

Wuok 18:11

Koro ang’eyo ni Ruoth Nyasaye duong’ moloyo nyiseche duto, nikech osereso jo-Israel e loch mar jo-Misri, kuma ne iritogie gi achaye.”

Wuok 9:17

To kaka pod ithago joga, kendo ok iyienigi mondo gia,

Wuok 9:7

Kane Farao onono to nonyise ni onge chiach ja-Israel mane otho kata achiel. To kata kamano wiye ne pod tek, mi ne ok oyie mondo jo-Israel oa.

Ngeche 16:18

Sunga kelo masira, kendo ng’ayi miyo ng’ato chwanyore.

Ngeche 16:5

Ruoth Nyasaye mon gi ng’ato ang’ata ma jasunga. Ng’at makamano to ok notony ngang’ mak oyudo kum.

Isaya 47:1

In Babulon, dala ma pok olo, bed piny e lowo. Ee, in dala maduong’ mar jo-Kaldai, we komlochni, ibed piny e buru. Ji ok nochak odendi ka gima in nyako ma dende yom, kendo mosedak e ngima maber!

Jeremia 13:18

Ruoth Nyasaye nowacho ni Jeremia niya, “Dhiyo inyis ruoth gi min mare mondo joa e kombegi mag duong’ nikech osimbegi mag loch osea e wigi molwar piny.

Jeremia 19:15

“Ruoth Nyasaye Manyalo Gik Moko Duto ma Nyasach Israel owacho ni obiro kelo masiche duto mane osiemogo dalani kaachiel gi mier duto mokiewo kode, nikech un joma tokgi tek, motamore winjo wachne.”

Jeremia 48:18

To un joma odak Dibon, weuru duong ma un-go, mondo ubed piny e buru, nikech jaketh Moab osebiro kuomu, kendo oketho kuondeu mochiel motegno.

Ezekiel 30:6

Ruoth Nyasaye wacho niya, “Jolweny ma konyo Misri noneg e lweny, chakre Migdol yo nyandwat nyak Saiyene yo milambo. Oganda lweny ma jo-Misri sungorego otieki. An Ruoth Nyasaye ema awacho kamano.

Ezekiel 31:10

“Koro an Ruoth Nyasaye awacho kama: Yadhno ne odongo, mi ochopo e polo. To kane odongo marabora kamano, nodoko jasunga.

Daniel 11:36

“Ruodh Siria notim gima en ema ohero, kendo enosungre ni oloyo nyasaye moro amora, bende enopakre ni oduong’ moloyo kata mana Nyasaye maduong’ moloyo nyiseche moko. Enodhi nyime kotimo kamano nyaka chop Nyasaye kume, nikech Nyasaye nyaka tim gima osechano.

Daniel 4:26

“To bende ineno ka malaika ogolo chik ni mondo osiki kochung’ e lowo. Mano nyiso ni inichak ibed ruoth kendo, ka iseyie ni Nyasaye ema nigi loch e piny ngima.

Daniel 4:28

Gigo duto notimore ni ruoth Nebukadnezar.

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Daniel 8:8

Nywogno ne medo nyiso tekone, to kata obedo ni ne oratego kamano, tunge maduong’no notur, eka kar tung’ achielno, tunge ang’wen madongo ne otwiye, ka moro ka moro ochiko tung’ achiel achiel mar piny.

Luka 18:14

Eka Yesu, notieko kawacho niya, “Akonu ni ng’atni nodok dala ka ni kare e nyim Nyasaye moloyo ng’at machielo cha, nimar ng’at ma ting’ore malo nodwok piny, to ng’at ma dwokore piny noting’ malo.”

Jo-Hibrania 3:13

To moloyo, jiwreuru ng’ato gi ng’ato kapod iluongo ndalo ni ‘Kawuono’, mondo kik richo gal ng’ato kuomu, mi bed gi chuny matek,

1 Samuel 6:6

Marang’o wiu tek, ka wi Farao gi wi jo-Misri? Donge Nyasaye nosandogi malich, nyaka ne giweyo jo-Israel oa?