Daniel 5:19 - MUMA MALER 2015

¹⁹ Omiyo ogendini duto mae piny ngima, bed ni gia e dhoot mane kata giwacho dhok mane, ne oluore kendo ne tetni e nyime. Kapo ni ne odwaro nego ng’ato, to onego anega, kata kane odwaro weyo ng’ato ka ngima, to oweyo aweya. Ne onyalo miyo ng’ato teko, kata mayogo tekono, mana kaka en ema ohero.

Motingʼo Loko Manyien

¹⁹ Nikech loch kod teko mamalo mane omiye, ogendini duto, gi pinje duto, gi ji mawacho dhok mopogore opogore ne tetni e nyime kendo noluore. Joma ruoth ne dwaro ni onegi, ne onego; to joma ne odwaro ngʼwonone, nongʼwononegi; joma ne odwaro medo teko e loch, nomedo teko; kendo joma nodwaro lonyo e telo, nolonyo alonya.

Daniel 5:19 ပူးပေါင်းရင်းမြစ်များ

2 Ruodhi 25:28

Evil-merodak norito Jehoyachin gi ng’wono, kendo ne omiye luor maduong’ moloyo ruodhi duto mane ni Babulon e tuech.

Ngeche 16:14

Pile ng’at mariek dwaro ni mondo ruoth obed mamor, nimar kokecho, to mirimbe nyalo kelo ni ng’ato tho.

Eklesiastes 8:3

Ruodh piny nyalo timo gimoro amora mohero, omiyo kik ibed kama entie, nikech masira dipo ka oyudi kanyo,

Ezekiel 31:11

Kuom mano asedagi yadhno, omiyo abiro kete e lwet ruodh piny moro, mabiro timone mana maromre gi richone.

Daniel 11:12

Bang’e sunga nomake nikech lochneno, kendo nikech jolweny mang’eny mosenego, to lochne ok nodhi nyime.

Daniel 11:16

Kuom mano, jasikgi notimnigi mana gima ohero, maonge ng’ama tame. Enokaw piny Israel ma jaber, mi bed e bwo lochne chuth.

Daniel 11:3

Eka bang’ mano ruoth moro ma jalweny nowuogi. Enobed ruodh piny maduong’ kendo notim gimoro amora mohero.

Daniel 11:36

“Ruodh Siria notim gima en ema ohero, kendo enosungre ni oloyo nyasaye moro amora, bende enopakre ni oduong’ moloyo kata mana Nyasaye maduong’ moloyo nyiseche moko. Enodhi nyime kotimo kamano nyaka chop Nyasaye kume, nikech Nyasaye nyaka tim gima osechano.

Daniel 3:29

Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”

Daniel 3:4

Eka jago milome nolando wach gi duol maduong’ niya, “Un ji duto mae piny ngima, bed ni ua e dhoot mane kata bed ni uwacho dhok mane,

Daniel 3:6

To ng’ato ang’ata ma ok okulore piny kendo olemo, ibiro wit piyopiyo e mach makakni.”

Daniel 4:17

nikech mano e wach mane malaike ma jorit ong’ado mondo ji modak e piny ong’e ni Nyasaye Maduong’ Moloyo ema nigi loch kuom pinje duto mae piny. Onyalo keto ng’ato ang’ata modwaro obed ruoth, kata dabed ni en dhano adhana.’ ”

Daniel 4:19

Kane Daniel ma nyinge moro en Belteshazar, owinjo wachno, ne obwok mi chunye ochandore ma ok onyal wacho gimoro. Ruoth nowachone niya, “Belteshazar, kik iwe chunyi chandre nikech lekno kata ne gima tiende nyiso.” Belteshazar nodwoke niya, “Ruoth dobedo maber ka lekno kod tiende odok ni wasiki!

Daniel 4:22

“Ruoth, in e yadhno! Irabora kendo itegno. Tekoni osedongo mochopo e polo, kendo lochni okwako piny ngima.

Habakuk 2:5

Andhoke ma jo-Babulon sungore, to ok ginidhi maber. Gisechoko ogendini mang’eny moa e pinje mopogore opogore, ka wuoro omakogi, to ok ginyal yieng’.

Johana 19:11

To Yesu nodwoke niya, “Ok dibedo gi teko kuoma kata matin, ka da ok tekono obironi koa malo. Kuom mano, ng’at mane oketa e lueti nigi richo moloyo.”

Jo-Rumi 13:1

Ng’ato ka ng’ato nyaka winj wach joma nigi teko mar loch, nimar teko duto wuok mana kuom Nyasaye, kendo joma nigi tekogo, Nyasaye ema oketo.

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.