Daniel 5:17 - MUMA MALER 2015

¹⁷ Daniel nodwoko niya, “Ruoth, bed abeda gi michnigo, kata inyalo miyogi ng’ato ang’ata mihero. An to abiro somoni asoma gima ondikno, mi anyisi tiende.

Motingʼo Loko Manyien

¹⁷ Eka Daniel nodwoko ruoth niya, “Inyalo bedo abeda gi michnigo mondo ikonyrigo iwuon, kendo poknigo bende inyalo anyala miyo ngʼat machielo. Kata kamano, abiro somo ne ruoth ndikoni kendo abiro nyise tiende.

Daniel 5:17 ပူးပေါင်းရင်းမြစ်များ

Chakruok 14:23

ni ok nakaw giri kata achiel, nimar dipo ka chieng’ moro iwacho ni, ‘An ema namiyo Abram obedo jamoko.’

2 Ruodhi 3:13

Elisha nopenjo ruodh Israel niya, “An gang’o kodi? Dhiyo ir jokor weche ma wuoru gi meru ne dhiye!” To ruodh Israel nokwere ni, “Ok kamano nimar Ruoth Nyasaye ema osechokowa kanyakla, mondo oketwa e lwet jo-Moab.”

2 Ruodhi 5:16

To nodwoke niya, “Gi nying Ruoth Nyasayee ma atiyone, ok nakaw gimoro.” Nochune mondo okaw, to Elisha nodagi.

2 Ruodhi 5:26

Elisha nokone niya, “Donge chunya nodhi kodi, kane ng’at cha lor a e gache, duogo romoni? Iparo ni ma e kinde mar kawo fedha, gi lewni, gi puothe mzabibu, gi rombe, gi dhok, kod jotich machwo gi mamon koso?

Zaburi 119:46

bende anahul ni ruodhi chikeni, ka aonge gi wich kuot.

Daniel 2:6

To ka unyalo nyisa lekno, kod tiende, to abiro miyou chiwo mang’eny kod duong’ miwuoro. Omiyo koro nyisauru lekno kod tiende.”

Daniel 5:29

Kane Daniel otieko wuoyo, Belshazar nogolo chik, mi orwak ni Daniel law ruoth maralik, gi thiwni mar dhahabu mar duong’ e ng’ute. Eka nokete jalupne mar adek.

Tich Joote 8:20

To Petro nodwoke ni, “Pesani mondo olal nono kodi, nikech iparo ni inyalo ng’iewo mich mar Nyasaye gi pesa!