Daniel 4:22 - MUMA MALER 2015

²² “Ruoth, in e yadhno! Irabora kendo itegno. Tekoni osedongo mochopo e polo, kendo lochni okwako piny ngima.

Motingʼo Loko Manyien

²² Ruoth isebedo maduongʼ kendo maratego; humbi osemedore mochopo e kor polo, kendo lochni ochweyo nyaka aa tungʼ piny koni gi koni.

Daniel 4:22 ပူးပေါင်းရင်းမြစ်များ

Chakruok 11:4

Bang’e ne giwacho niya, “Koro wageruru dala maduong’ man gi gorofa mabor mochopo nyaka e polo, mondo walos nyingwa, kik wabed ji moke e kor piny.”

Chakruok 28:12

To konindo, noleko ni oneno raidhi mochung’ koa e piny, mochopo e polo. To malaika mag Nyasaye ne luwo raidhino, kaidho malo, kendo kalor piny.

2 Samuel 12:7

Eka Nathan nowacho ni Daudi niya, “In e ng’atno! Ruoth Nyasaye ma Nyasach Israel owacho kama: ‘Ne ayieri mondo ibed ruodh Israel, kendo naresi e lwet Saulo.

2 Weche mag Ndalo 28:9

To noyudo ka janabi mar Ruoth Nyasaye ni kuno ma nyinge Oded. Nodhi romo ni jolweny mane dok Samaria, mowachonigi niya, “Ruoth Nyasaye ma Nyasach kwereu nochiwo jo-Juda e lwetu nimar nokecho kodgi, to un koro usenegogi achadha marach, mi wachno osetundo e polo.

Zaburi 108:4

Herani mosiko kod adierani bor moyombo polo.

Zaburi 36:5

A Ruoth Nyasaye, herani mosiko kod adierani tundo nyaka e polo.

Jeremia 27:5

ema nachueyo piny gi tekona maduong’, kendo nachueyo dhano gi le duto modakie, omiyo anyalo kete e teko ng’ato ang’ata ma ayiero.

Ezekiel 17:3

mondo ging’e gima an Ruoth Nyasaye adwaro wachonigi: “Ne nitie ongo moro maduong’ ahinya mane nigi buombe madongodongo. Dende duto ne yier mabeyo opong’o. Chieng’ moro ne ohuyo modhi e piny Lebanon, mi ojako wi yadh sida.

Daniel 2:21

En ema ochano ndalo kod chwiri gi opon, bende en ema oketo ruodhi e tich, kendo ogolo. Omiyo ji rieko kod ng’eyo.

Daniel 4:11

Yadhno nodongo adonga motundo e polo, kendo ng’ato ang’ata man kamoro amora e piny ne nyalo nene.

Daniel 4:21

Obokene ne beyo, kendo nonyago olemo mang’eny moromo piny duto chamo. Le ne yueyo e tipone kendo winy bende ne gedo e bedene.

Daniel 4:29

Bang’ dueche apar gariyo, noyudo ruoth wuotho e tat ode, Babulon,

Daniel 4:36

Kane parona oduogo, to loch mar piny gi luor kod teko ne oduogna. Jong’adna rieko gi jodonga nobiro ira, mi oduogna loch mogurore moloyo mane an go mokwongo.

Mathayo 14:4

nimar Johana nosiko kakwero Herode ni, “Ok en gima kare, kawo dhakono.”

Fweny 18:5

nikech richone osebiwore mochopo nyaka e polo, kendo Nyasaye koro oseparo timbene mamonogo.