Daniel 3:29 - MUMA MALER 2015

²⁹ Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”

Motingʼo Loko Manyien

²⁹ Kuom mano, agolo chik ni ogendini duto gi ji moa e dhoudi mopogore opogore ma dipo ni owacho gimoro marach kuom Nyasach Shadrak, Meshak kod Abednego mondo negi kendo utegi mondo omuki mi lokre pidhe, nikech onge nyasaye moro machielo manyalo reso ji e yo machal kama.”

Daniel 3:29 ပူးပေါင်းရင်းမြစ်များ

2 Ruodhi 10:27

Kamano ne giketho siro mar Baal, kendo ne gimuko od Baal, mi giloko choo, kendo pod en kamano nyaka chil kawuono.

Ezra 6:11

To bende aketo chik ni, ka ng’ato oketho chikno, to nyaka gol yiend tat ode, mi gur piny, kendo chwade, kotueye e yienno. Ode bende nyaka lokre pidh owuoyo nikech kethoneno.

Zaburi 3:8

Warruok wuok mana kuomi, A Nyasaye. Yie iguedh jogi!

Zaburi 76:10

Kata mana mirimb dhano keloni pak, kendo jogo motony e lweny nopaki e sewni ma gitimoni.

Daniel 1:19

Ruoth nowuoyo kodgi duto, mi oyudo ni Daniel gi Hanania gi Mishael kod Azaria riek moloyo yawuowi mamokogo duto. Kuom mano ne gidonjo e tich ruoth.

Daniel 1:7

To jatelo maduong’ nochakogi nying manyien. Daniel nochako ni Bethshazar, to Hanania ni Shadrak; Mishael to nochako ni Meshak, kendo Azaria ni Abednego.

Daniel 2:17

Bang’ mano Daniel nodok dala monyiso jowetene ma Hanania gi Mishael kod Azaria gima nosetimore.

Daniel 2:47

Nowacho ni Daniel niya, “Nyasachi e Nyasaye maduong’ie moloyo nyiseche mamoko duto, kendo en e Ruodh ruodhi. En ema oelo tiend midhierni. Ang’eyo kamano nikech osemiyi teko mar fwenyo tiend wachni.”

Daniel 2:49

To bende Daniel nokwayo ruoth mi oketo Shadrak gi Meshak kod Abednego jotend gweng’ Babulon. Daniel to nosiko katiyo mana e dala ruoth.

Daniel 2:5

Ruoth nowachonigi niya, “Asechano ni ka ok unyisa tiend lekno, to abiro jako embeu gi bedeu, kendo abiro loko uteu gundni-gundni.

Daniel 3:12

To nitie jo-Yahudi moko ma nyinggi Shadrak gi Meshak kod Abednego mane iketo jotelo mag gweng’ Babulon. Ruoth, gin gitamore winjo chikni. Gisedagi lamo nyasachi kata kulruok ni kido mane ichungo.”

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Daniel 3:17

To kapo ni Nyasaye ma walamo nyalo resowa e mach kendo e tekoni, to kara obiro resowa.

Daniel 3:28

Nebukadnezar nowacho niya, “Pakuru Nyasach Shadrak gi Meshak kod Abednego! Nende ooro malaika mare moreso joma lame kendo mogeno kuomegi. Ne gidagi winjo chikna, mi giyie tho, kar kulruok piny mondo gilam nyasaye moro amora ma ok mana Nyasachgi.

Daniel 6:28

Kamano Daniel ne odhi nyime maber e ndalo loch Darius, kendo e ndalo loch Kuros ja-Persia.

Rapar mar Chik 32:31

To adier, lwanda mar wasikwa ok chal gi Lwandawa, kata mana wasikwa bende ong’eyo kamano.