Daniel 3:28 - MUMA MALER 2015

²⁸ Nebukadnezar nowacho niya, “Pakuru Nyasach Shadrak gi Meshak kod Abednego! Nende ooro malaika mare moreso joma lame kendo mogeno kuomegi. Ne gidagi winjo chikna, mi giyie tho, kar kulruok piny mondo gilam nyasaye moro amora ma ok mana Nyasachgi.

Motingʼo Loko Manyien

²⁸ Eka Nebukadneza nowacho niya, “Opak Nyasach Shadrak, Meshak kod Abednego nikech en ema oseoro malaikane mi oreso jotichne! Negigeno kuome mi gidagi luwo chikna kendo ne giyie wito ngimagi kar tiyona kata lamo nyasaye moro machielo ma ok Nyasachgi giwegi.

Daniel 3:28 ပူးပေါင်းရင်းမြစ်များ

Chakruok 9:26

Eka nomedo wacho niya “Ruoth Nyasaye oguedh hemb Shem, to Kanaan obed misumba Shem

1 Weche mag Ndalo 5:20

Nyasaye nokonyogi e lweny nikech ne giywakne kane gikedo. Nowinjogi nikech ne gigene, mi ne giloyo jo-Hagri gi ji duto mane jo-Hagri oseriworego.

2 Weche mag Ndalo 20:20

Jo-Juda ne ochiew gokinyi mang’ich mondo odhi e thim Tekoa, to kane gidhi, Jehoshafat nochung’ mowachonigi niya, “Winjuru un jo-Juda gi joma odak Jerusalem! Genuru kuom Ruoth Nyasaye ma Nyasachu, mi unukwo, kendo genuru kuom jonabi mage, mi unulo.”

2 Weche mag Ndalo 32:21

Eka Ruoth Nyasaye nooro malaika e kambi mar ruodh Asuria, motieko thuondi gi jodongo kod jotend jolweny duto. Omiyo nodok e pinye ka en gi wichkuot. To kane odonjo e od nyasache, yawuote moko nonege kanyo.

Ezra 1:3

Jo-Ruoth Nyasaye duto man kuomu nyalo dhi Jerusalem e piny Juda mondo ochak oger Hekalu ni Ruoth Nyasaye ma Nyasach Israel, ma dalane en Jerusalem, kendo Nyasaye mondo obed kode.

Ezra 6:11

To bende aketo chik ni, ka ng’ato oketho chikno, to nyaka gol yiend tat ode, mi gur piny, kendo chwade, kotueye e yienno. Ode bende nyaka lokre pidh owuoyo nikech kethoneno.

Zaburi 103:20

Pakuru Ruoth Nyasaye, un malaike madongo marateke, mawinjo wachne, kendo morito chikene.

Zaburi 147:11

to obedo mamor mana gi joma oluore, kendo man gi geno kuom herane mosiko.

Zaburi 33:18

To Ruoth Nyasaye ema rango joma oluore, kendo ma ogeno kuom herane mosiko.

Zaburi 33:21

En ema omiyowa mor, nikech wageno kuom nyinge maler.

Zaburi 34:22

Ruoth Nyasaye waro jotichne, kendo ji duto mogeno kuome notony.

Zaburi 62:8

Un jowa, genuru kuom Nyasaye kinde duto. Nyiseuru chandruok duto ma ungo, nimar en e kar konyruokwa.

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Isaya 12:2

Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.”

Isaya 37:36

Malaika mar Ruoth Nyasaye nodhi monego jo-Asuria alufu mia achiel gi piero aboro gabich (185,000) e kambigi, kendo kane ji ochiew gokinyi, to ringre joma otho ema ne ginwang’o kopie piny.

Isaya 50:10

Ere ng’ato kuomu moluoro Ruoth Nyasaye, kendo winjo dwond jatichne, bende ma wuotho kuonde motimo mudho, to ok ne ler kata matin? Ng’at ma kamano mondo ogen kuom Ruoth Nyasaye.

Daniel 2:47

Nowacho ni Daniel niya, “Nyasachi e Nyasaye maduong’ie moloyo nyiseche mamoko duto, kendo en e Ruodh ruodhi. En ema oelo tiend midhierni. Ang’eyo kamano nikech osemiyi teko mar fwenyo tiend wachni.”

Daniel 3:25

To nomedo penjogi niya, “Ka kamano, to ang’o momiyo aneno ji ang’wen kawuotho e mach, ka ok otue, to bende ok wang’? To ng’at mar ang’wen kuomgi chalo mana gi Nyasaye!”

Daniel 4:34

To kane higni abiriyogo oserumo, an Nebukadnezar ne ang’iyo polo malo, mi parona oduogo. Ne apako Nyasaye Maduong’ Moloyo ma osiko nyaka chieng’, mi amiye duong’ gi luor, ka awacho niya, “Lochne osiko nyaka chieng’.

Daniel 6:16

Mano omiyo ruoth nogolo chik, mi okaw Daniel owiti e bur sibuoche. To nowacho ni Daniel niya, “Onego Nyasachi ma itiyone gi adiera duto, resi e masirani.”

Daniel 6:26

Asegolo chik e pinje duto manie bwo lochna ni ng’ato ka ng’ato nyaka luor Nyasach Daniel kendo miye duong’. En e Nyasaye Mangima, mosiko nyaka chieng’. Lochne gi tekone ok norum.

Mathayo 4:10

To Yesu nodwoke ni, “Dhi kucha, Satan! Muma wacho ni, ‘Ng’ato nyaka lam mana Nyasache, kendo en kende ema nyaka otine.’ ”

Tich Joote 4:19

To Petro gi Johana ne joduokogi niya, “Un ema nyaka ung’ad wach uwegi kata ka en gima kare winjou moloyo winjo Nyasaye,

Tich Joote 5:19

To gotienono malaika mar Ruoth nobiro, moyawo dhood jela. Nogologi oko mowachonigi niya,

Jo-Rumi 12:1

Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.

1 Jo-Korintho 13:3

Kata da bed ni apogo giga duto ni joma odhier, kendo kata da achiwo ringra mondo owang’, to aonge gi hera, to mano ok konya kata matin.

Jo-Filipi 1:20

Kamano ageno ahinya ni ok anatim gimoro ma dikuod wiya e yo moro amora, to koro abiro wuoyo gi chir, kaka asetimo kinde duto, mondo gik moko duto ma atimo omi Kristo duong’, kata angima kata atho.

Jo-Hibrania 1:14

Kamano waneno ni malaika gin mana roho matiyo ni Nyasaye. Nyasaye orogi mondo gikony joma biro yudo warruok.

Jo-Hibrania 11:37

Moko ne ogo gi kite, to moko nong’ad sirunda, to moko bende noneg gi ligangla. Ne girwakore gi piende rombe kod piende diek, ka gidhier kendo kisandogi, bende ka gin gi chandruok malit.

1 Petro 1:21

nimar en ema omiyo uyie kuom Nyasaye mane ochiere oa kuom joma otho, kendo omiye duong’. Adier, en ema omiyo ubedo gi yie kod geno kuom Nyasaye.

Fweny 12:11

Owetewa ne oloye gi remb Nyarombo kendo gi Wach Nyasaye mane gihulo, bende ne ok gidewo ngimagi nyaka kar tho.