Daniel 3:27 - MUMA MALER 2015

²⁷ Jotelo duto mag ruoth kaachiel gi jong’adne rieko, nochokore mondo oneye joma ne mach otamore wang’ogo. Yie wigi ne ok orewore, kata lepgi ne ok owang’ to bende ne ok gidum much iro ka joma ne owuok e mach adier.

Motingʼo Loko Manyien

²⁷ kendo jorit pinje, jochik tich, jotelo, kod jongʼad rieko mag ruoth nosudo butgi machiegni molworogi. Negineno ka mach ne ok owangʼogi, onge yie wigi kata achiel mane mach oreyo, kandho mag-gi bende ne ok orewore, to bende ne ok gidungʼ kata mana iro.

Daniel 3:27 ပူးပေါင်းရင်းမြစ်များ

1 Ruodhi 13:28

Nodhi moyudo ringre ng’atno koriere e yo, ka kanyna kod sibuor ochung’ bute. To sibuor ne ok ochamo ringre ng’atno, kata timo gimoro ni kanyna ne ok otimo.

2 Ruodhi 19:19

To koro in Ruoth Nyasaye ma Nyasachwa, yie ireswa e lwet Senakerib, mondo ogendinii duto mae piny ong’e ni in kendi e Nyasaye.”

Zaburi 83:18

Kamano mondo ging’e, A Ruoth Nyasaye, ni in kende e Ruoth Maduong’ e piny ngima.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Daniel 3:21

Kamano ne gitueyogi mana ka girwakore gi lepgi duto kod kondegi, mi giwitogi e mach.

Daniel 6:23

Kane ruoth owinjo kamano ne obedo gi mor maduong’, mi ogolo chik mondo oywa Daniel oko. Omiyo ne giywaye oko, mi oyud ni onge ngima osetime kata mana matin nono, nikech ne ogeno kuom Nyasache.

Daniel 6:7

Wan duto ma wan jotend pinyi, wasewinjore ni onego igol chik mager ni, kuom ndalo piero adek ng’ato kik kwa gimoro kuom Nyasaye moro amora kata kuom dhano moro, to mak mana kuomi, in ruoth. To ng’ato ang’ata moketho chikno nyaka wit e bur sibuoche.

Mathayo 10:30

To un kata mana yie wiu duto bende osekwan!

Tich Joote 26:26

Ruoth Agripa ong’eyo wechegi, omiyo awuoyo kode gi chir duto. Ang’eyo ni onge kata achiel kuomgi mosebaye, nikech ok gisetimore ling’ling’.

Tich Joote 27:34

Omiyo koro akwayou ni mondo uchiem, uyud teko, nikech kata mana yie wiu achiel ok nolal.”

Jo-Hibrania 11:34

Yie ema ne omiyo giumo dho sibuoche, kendo ginego gero mar mach, bende gitony e lweny. Kata obedo ni ne gin joma nyap, to yie nomiyo gibedo joma rateke, kendo gidoko joma ger e lweny, mi giriembo jolweny mane oa e pinje mamoko.