Daniel 3:24 - MUMA MALER 2015

²⁴ Eka Nebukadnezar nochung’ piyopiyo kobwok, mi openjo jong’adne rieko niya, “Donge ne watueyo ji adek, mi wanyumo e mach?” Ne gidwoke ni “Ee ruoth, ne watimo kamano.”

Motingʼo Loko Manyien

²⁴ Eka ruoth Nebukadneza nochungʼ malo ka dhoge omoko kendo nopenjo jongʼad rieko mage niya, “Donge ji adek ema ne watweyo mi wadiro e mach?” Negidwoke niya, “En kamano, yaye ruodh.”

Daniel 3:24 ပူးပေါင်းရင်းမြစ်များ

2 Weche mag Ndalo 22:4

Timbene ne richo e nyim Ruoth Nyasaye mana kaka timbe jodhood Ahab, nikech bang’ tho wuon mare, jogo nodoko jong’adne rieko marach ma ne okethe.

Daniel 3:17

To kapo ni Nyasaye ma walamo nyalo resowa e mach kendo e tekoni, to kara obiro resowa.

Daniel 3:23

To Shadrak gi Meshak kod Abednego ne joling’ore e chuny mach kotuegi kamano.

Daniel 3:25

To nomedo penjogi niya, “Ka kamano, to ang’o momiyo aneno ji ang’wen kawuotho e mach, ka ok otue, to bende ok wang’? To ng’at mar ang’wen kuomgi chalo mana gi Nyasaye!”

Daniel 4:22

“Ruoth, in e yadhno! Irabora kendo itegno. Tekoni osedongo mochopo e polo, kendo lochni okwako piny ngima.

Daniel 4:27

Kuom mano, ruoth, luw gima anyisini. We timo marach, to tim maber, kendo ikech joma odhier mondo ichulgo richo misetimo. Kamano nidhi nyime maber.”

Daniel 5:18

“Nyasaye Maduong’ moloyo noketo Nebukadnezar kwaru obedo ruoth maduong’ man gi teko kod duong’.

Daniel 5:6

ne obedo maluor, mi chunye ochandore, kendo dende ojuol ka chongene tetni.

Daniel 6:22

Nyasaye oseoro malaikane, mi omako dho sibuoche mondo kik hinya. Osetimo kamano nikech ong’eyo ni aonge gi ketho, to bende nikech pok atimo gimoro marach e nyimi ruoth.”

Daniel 6:7

Wan duto ma wan jotend pinyi, wasewinjore ni onego igol chik mager ni, kuom ndalo piero adek ng’ato kik kwa gimoro kuom Nyasaye moro amora kata kuom dhano moro, to mak mana kuomi, in ruoth. To ng’ato ang’ata moketho chikno nyaka wit e bur sibuoche.

Tich Joote 12:13

Ne odwong’o dhoot ma oko, mi nyako moro ma jatich, ma nyinge Roda, obiro yawone.

Tich Joote 26:13

To ruoth Agripa, kane an e yo adhi godiechieng’, ne apo ka aneno ler mang’ang’ni moloyo wang’chieng’, karieny koa e polo, mi olwora kaachiel gi joma ne wan-go.

Tich Joote 26:27

Ruoth Agripa, donge iyie wach Jonabi? Adier ang’eyo ni iyie!”

Tich Joote 9:6

To a malo, idhi Damaski kuma idhi wachonie gima onego itim.”

1 Samuel 17:55

Kane Saulo oneno Daudi kadhi kedo gi ja-Filistia, nopenjo Abner jatend jolweny niya, “Abner, wuowino en wuod ng’a?” Abner nodwoke ni, “Ruoth, ok ang’eye ngang’.”