Daniel 3:22 - MUMA MALER 2015

²² To nikech chik ruoth ne ger, kendo mach ne liet malich, omiyo joma ne oting’o Shadrak gi Meshak kod Abednego katero e mach ne jowang’, mi orumo pep.

Motingʼo Loko Manyien

²² Ruoth nogolo chik mondo odir jogi e mach mapiyo, kendo liet mar mach kende ema ne onego jolweny mane otero Shadrak, Meshak kod Abednego,

Daniel 3:22 ပူးပေါင်းရင်းမြစ်များ

1 Ruodhi 13:28

Nodhi moyudo ringre ng’atno koriere e yo, ka kanyna kod sibuor ochung’ bute. To sibuor ne ok ochamo ringre ng’atno, kata timo gimoro ni kanyna ne ok otimo.

Wuok 12:33

Jo-Misri norungo jo-Israel mondo oa e pinygi piyopiyo, ka giwacho niya, “Waduto wabiro tho ka ok ua.”

Ngeche 11:8

Ng’at makare resore e chandruok. Jaricho to nyumore e masira.

Ngeche 21:18

Chandruok ma joricho dwaro ni joma kare dok mana e wigi giwegi.

Daniel 1:7

To jatelo maduong’ nochakogi nying manyien. Daniel nochako ni Bethshazar, to Hanania ni Shadrak; Mishael to nochako ni Meshak, kendo Azaria ni Abednego.

Daniel 2:15

kendo openje niya, “Ere gima omiyo ruoth ogolo chik mager kamano?” Ariok nonyise gima ne osetimore,

Daniel 6:24

Bang’ mano, ruoth ne ogolo chik ni mondo joma ne odonjo ni Daniel owiti e bur sibuoche kaachiel gi mondgi kod nyithindgi. To kane owitgi e bur kamano, sibuoche ne ongamogi moturo chokegi duto matindotindo, mana kapok gichopo kata e pier bur piny.

Mathayo 27:5

Kane Judas owinjo kamano, nowito pesago e Hekalu, modhi odere.

Tich Joote 12:19

Herode nogolo chik mondo odware, to ne ok ginyal yude. Omiyo ne onono jorit ahinya, eka nowacho ni mondo oneggi. Bang’e noa Judea odhi Kaisaria, mobet kuno kuom kinde moko.