Daniel 2:48 - MUMA MALER 2015

⁴⁸ Eka ne oketo Daniel e tich maduong’ mi omiye gik mabeyo mathoth. Nokete jaduong’ gweng’ Babulon, kendo nokete jatend jong’ad rieko duto e Babulon.

Motingʼo Loko Manyien

⁴⁸ Eka ruoth noketo Daniel e telo mamalo kendo nomiye mich mathoth. Nokete jatelo e piny Babulon duto, kendo nomiye teko ewi joma riek duto man Babulon.

Daniel 2:48 ပူးပေါင်းရင်းမြစ်များ

2 Samuel 19:32

Ne en ng’at moti ahinya, ma jahigni piero aboro. En ema nokonyo ruoth gi chiemo, e kinde mane ruoth ni Mahanaim, nikech ne en jamoko.

2 Ruodhi 5:1

Naaman ne jaduong’ lweny mar ruodh Aram, kendo Ruoth Nyasaye nosekonye, komiyo jo-Aram loyo e lweny. Kuom mano, ne en ng’at ma ruodhe ogeno kendo morgo. Bende ne en ng’at maratego ma jachir. To ne en radhoho.

Ayub 1:3

kendo ne en gi rombe alufu abiriyo gi ngamia alufu adek gi dhok alufu achiel kod kenje mia abich. To bende ne en gi jotich mogundho. Kamano ne en ng’at momewie moloyo ji duto ma nodak e pinje man yo wuok chieng’.

Jeremia 5:5

Omiyo koro abiro dhi ir jotelo mondo alosgo, nimar nyaka bed ni gin ema ging’eyo yor Ruoth Nyasaye, kod gima Nyasachgi dwaro.” To kara gin bende gisedagi loch mar Ruoth Nyasaye, kendo gitamore rito chikne.

Daniel 2:6

To ka unyalo nyisa lekno, kod tiende, to abiro miyou chiwo mang’eny kod duong’ miwuoro. Omiyo koro nyisauru lekno kod tiende.”

Daniel 3:1

Ruoth Nebukadnezar noloso kido mar dahabu ma borne mita piero adek, to lachne mita adek, mi ogolo chik mondo ochunge e paw Dura e gweng’ Babulon.

Daniel 3:12

To nitie jo-Yahudi moko ma nyinggi Shadrak gi Meshak kod Abednego mane iketo jotelo mag gweng’ Babulon. Ruoth, gin gitamore winjo chikni. Gisedagi lamo nyasachi kata kulruok ni kido mane ichungo.”

Daniel 3:30

Eka ruoth nomiyo Shadrak gi Meshak kod Abednego tije madongo moloyo e gweng’ Babulon.

Daniel 4:6

Mano omiyo nagolo chik mondo jong’adna rieko duto man Babulon okel ira olokna tiend lekno.

Daniel 4:9

Ne awachone kama: Belteshazar, jatend ajuoke duto, ang’eyo ni much nyiseche maler ni kuomi, kendo ni ielo midhierni duto. Koro winji gima nende aleko, mondo ilokna tiende.

Daniel 5:11

Nitie ng’at moro e pinyi man gi much nyiseche maler. E ndalo loch ruoth Nebukadnezar kwaru, ng’atno ne nigi paro maber kod rieko mana ka rieko mag nyiseche, omiyo nokete jatend ajuoke duto.

Daniel 5:16

To asewinjo humbi ni inyalo fwenyo gik mopondo, kendo inyalo elo tiend midhierni. Omiyo, ka inyalo somo ndikono, mi ilokna tiende, to norwakni law ruoth maralik, gi thiwni mar dhahabu mar duong’ e ng’uti, kendo inibed jalupna mar adek.”

Daniel 5:29

Kane Daniel otieko wuoyo, Belshazar nogolo chik, mi orwak ni Daniel law ruoth maralik, gi thiwni mar dhahabu mar duong’ e ng’ute. Eka nokete jalupne mar adek.

Daniel 5:7

Ne ogoyo koko mondo oomne ajuoke, kendo kane gibiro nowachonigi niya, “Ng’ato ang’ata ma nyalo somo ndikoni, mi nyisa tiende, to norwakne law ruoth maralik, kod thiwni mar dhahabu mar duong’ne e ng’ute, kendo nobed jalupna mar adek.”

Daniel 8:27

Bang’ mano, an Daniel, chunya nobedo mool, mi abedo matuo kuom kinde mogwarore. To bange ne aa malo, mi adok e tich mane ruoth osemiya. Kata kamano fwenyno ne odhiera, kendo ne ok anyal ng’eyo tiende.

Kwan 24:11

Omiyo wuogi, idhi thuru. Ne asingora ni damiyi duong’ mang’ongo, to koro Ruoth Nyasaye osemoni yudo duong’no.”

1 Samuel 17:25

Ne giwacho niya, “Donge uneno jal mabironi? Obiro mana ni mondo othian ni jo-Israel. Ng’at monege, to ruoth nomi mwandu mang’eny, kod nyare okendi. Bende joodgi ok nogol osuru kata tiyo tich achune e Israel.”

1 Samuel 2:8

Ogolo jachan e buru, kendo oting’o ng’ama odhier a e pidh yugi, mondo omiye bedo e kom moyiedhi kaachiel gi ruodhi. Mise mar piny en mar Ruoth Nyasaye, kendo orenjo piny kuome.

1 Samuel 25:2

Ne nitie ng’at moro ma japith ahinya ma nodak Karmel e piny Maon. Ne en gi rombe alufu adek, kod diek alufu achiel. Noyudo ong’ado yie rombe Karmel.