Daniel 2:47 - MUMA MALER 2015

⁴⁷ Nowacho ni Daniel niya, “Nyasachi e Nyasaye maduong’ie moloyo nyiseche mamoko duto, kendo en e Ruodh ruodhi. En ema oelo tiend midhierni. Ang’eyo kamano nikech osemiyi teko mar fwenyo tiend wachni.”

Motingʼo Loko Manyien

⁴⁷ Ruoth nowachone Daniel niya, “Adier, Nyasachi en Nyasach nyiseche, kendo en Ruoth mar ruodhi, kendo en Jal maelo tiend midhierni, nikech ne in gi nyalo mar elona tiend midhieroni.”

Daniel 2:47 ပူးပေါင်းရင်းမြစ်များ

Chakruok 41:39

Omiyo Farao nowacho ni Josef niya, “Kaka Nyasaye osenyisi wechegi duto, onge ng’at moro mariek kendo mong’eyo gik moko moloyi.

2 Ruodhi 5:15

Naaman gi joge duto nodok ir ng’at Nyasaye, mochung’ e nyime, kowachone niya, “Koro ang’eyo ni onge Nyasaye kamoro amora mak mana e Israel; omiyo akwayi ni yie ikawie mich moro matin.”

Ayub 12:19

En ema omiyo jodolo bedo jochan ma onge lewni, kendo omiyo joma nigi loch bedo mobolore.

Zaburi 136:2

Gouru erokamano ni Nyasaye maduong’ moloyo nyiseche duto, nimar herane mosiko ochwere.

Zaburi 136:3

Gouru erokamano ni ruoth maduong’ moloyo ruodhi duto. Herane mosiko ochwere.

Zaburi 72:11

Kamano ruodhi duto nokulrene, kendo ogendini duto notine.

Zaburi 82:1

Nyasaye e jakom e buch polo, kendo oyalo kata mana nyiseche mamoko.

Zaburi 96:4

Ruoth Nyasaye duong’, kendo nyaka pake malich! Adier, nyaka miye duong’ moloyo nyiseche mamoko duto,

Ezekiel 26:7

“An Ruoth Nyasaye awacho kama: Abiro kelo Nebukadnezar ruodh Babulon ma ruoth maduong’ie moloyo ruodhi duto mondo omonji, in Turo. Enobi kowuok yo nyandwat gi oganda lweny maduong’ kod farese gi geche lweny, kaachiel gi joidh farese.

Daniel 11:36

“Ruodh Siria notim gima en ema ohero, kendo enosungre ni oloyo nyasaye moro amora, bende enopakre ni oduong’ moloyo kata mana Nyasaye maduong’ moloyo nyiseche moko. Enodhi nyime kotimo kamano nyaka chop Nyasaye kume, nikech Nyasaye nyaka tim gima osechano.

Daniel 2:19

Eka otienono, tiend midhierono noelore ni Daniel e fweny, mi nopako Nyasach Polo kowacho niya,

Daniel 2:22

Ofwenyo gik matut kendo mopondo, bende ong’eyo gik ma opand e mudho, kendo ler olwore koni gi koni.

Daniel 2:28

to nitie Nyasaye e polo malo ma elo tiend midhierni. En ema osenyisi, in ruoth Nebukadnezar, gik ma biro timore e kinde mabiro. Koro mae fweny mane ineno e lek kinindo.

Daniel 2:29

“Ruoth, kane inindo, to ne ileko gik mabiro timore, kendo Nyasaye maelo tiend midhierni, nonyisi gima biro timore.

Daniel 2:30

Koro Nyasaye oseelona tiend lekno, to ok nikech ariek moloyo ji mamoko duto, to mana ni mondo iwinj tiende, kendo mondo ing’e paro ma osebironino.

Daniel 2:37

Jaduong’, in e ruoth maduong’ie moloyo ruodhi duto. Nyasach polo oseketi ruoth, mi omiyi loch gi teko kod duong’,

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Daniel 3:28

Nebukadnezar nowacho niya, “Pakuru Nyasach Shadrak gi Meshak kod Abednego! Nende ooro malaika mare moreso joma lame kendo mogeno kuomegi. Ne gidagi winjo chikna, mi giyie tho, kar kulruok piny mondo gilam nyasaye moro amora ma ok mana Nyasachgi.

Daniel 3:29

Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”

Daniel 4:17

nikech mano e wach mane malaike ma jorit ong’ado mondo ji modak e piny ong’e ni Nyasaye Maduong’ Moloyo ema nigi loch kuom pinje duto mae piny. Onyalo keto ng’ato ang’ata modwaro obed ruoth, kata dabed ni en dhano adhana.’ ”

Daniel 4:25

Ibiro chamo lum gi dhogi ka dhiang’ kendo ininind oko kama tho nomokie kuomi kuom higni abiriyo. Bang’e ining’e ni kara Nyasaye Maduong’ Moloyo ema nigi loch kuom piny duto mae piny, kendo onyalo keto ng’ato ang’ata modwaro obed ruoth.

Daniel 4:32

Ibiro riembi ia kuom ji, kendo ibiro dak mana gi le, kichamo lum gi dhogi ka dhiang’ kuom higni abiriyo. Bang’e ining’e ni Nyasaye Maduong’ Moloyo ema nigi loch kuom pinje duto mae piny, kendo ni onyalo keto ng’ato ang’ata modwaro obed ruoth.”

Daniel 5:11

Nitie ng’at moro e pinyi man gi much nyiseche maler. E ndalo loch ruoth Nebukadnezar kwaru, ng’atno ne nigi paro maber kod rieko mana ka rieko mag nyiseche, omiyo nokete jatend ajuoke duto.

Amos 3:7

“Adier, onge gima Ruoth Nyasaye timo ka ok onyiso jotichne ma jonabi.

1 Jo-Korintho 14:25

Eka paro maling’ling’ manie chunye elore e lela, mi opodho piny auma, kolamo Nyasaye kendo ohulo niya, “Adier, Nyasaye ni kodu!”

Rapar mar Chik 10:17

nimar Ruoth Nyasaye ma Nyasachu en Nyasaye moloyo nyiseche duto, kendo Ruoth moloyo ruodhi duto. En Nyasaye maduong’ kendo malich miwuoro. En kende e Nyasaye miluoro, ma ok dew wang’ ng’ato, kendo ma ok cham asoya.

1 Timotheo 6:15

Nyasaye mipako, ma en kende e wuon loch, nomi Kristo obi e kinde ma en owuon oseketo. En e Ruodh ruodhi, kendo en e jaloch moloyo joloch duto.

Joshua 22:22

“Ruoth Nyasaye e Nyasaye Maduong’! Ruoth Nyasaye e Nyasaye Maduong’! En ema ong’eyo gima omiyo ne wagero kendoni, to un bende nyaka ung’e. Ka en adieri ni waseketho, kendo waweyo Ruoth Nyasaye, to owinjore watho.

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 19:16

En gi nying moro mondiki e lawe kendo eme ni, “Ruodh ruodhi, kendo Jaduong’ jodongo.”