Daniel 2:45 - MUMA MALER 2015

⁴⁵ Ne ineno kaka kidi omukore kende ma onge ng’ama omule, kendo nineno kaka ne otuomo kido molos gi nyinyo gi mula gi lowo gi fedha kod dhahabu. Kamano Nyasaye Maduong’ nyisi gik mabiro timore e ndalo mabiro, kendo koro asenyisi ratiro gima nyocha ileko, bende asenyisi tiende.”

Motingʼo Loko Manyien

⁴⁵ Ma e tiend fweny mar lwanda mane omuki e got moro, to ok gi lwet dhano ma en lwanda mane otoyo chuma gi nyinyo gi lowo, gi fedha gi dhahabu matindo tindo. Nyasaye maduongʼ osenyiso ruoth gima biro timore e ndalo mabiro. Lekni en adier, kendo lok molokego bende en adier chuth.

Daniel 2:45 ပူးပေါင်းရင်းမြစ်များ

Chakruok 41:26

Dhok abiriyo machwego gin higni abiriyo, kendo wiye ngano abiriyo machwego bende gin higni abiriyo. Giduto ginyiso tiend wach achiel.

Chakruok 41:28

En mana kaka awachoni ni Nyasaye osenyisi gima obiro timo.

Chakruok 41:32

Lek ma iseleko diriyono nyiso ratiro ni Nyasaye osechano mar timo kamano, kendo obiro timogo piyopiyo.

2 Samuel 7:22

A Ruoth Nyasaye, in ema iduong’, kendo pok wawinjo ni nitie nyasaye moro machal kodi. Onge nyasaye moro mak mana in.

1 Weche mag Ndalo 16:25

Ruoth Nyasaye duong’, kendo nyaka pake malich! Adier, nyaka miye duong’, moloyo nyiseche mamoko duto,

Nehemia 4:14

Eka narango piny kaka chalo, manyiso ruoth kod jotelo gi ji duto niya, “Kik uluorgi, to paruru Ruoth Nyasaye maduong’ kendo malich, kendo uked ni oweteu gi yawuotu gi nyiu gi mondu kod miechu.”

Nehemia 9:32

“A Nyasachwa man gi teko, in e Nyasaye maduong’ kendo malich, ma rito singruokne gi adiera. Omiyo koro kik ikaw masiche mwanenogi mayot, nikech ruodhiwa gi jodongwa gi jodolowa gi jonabiwa gi kwerewa kod jogi duto osethagore, chakre ndalo loch ruodhi mag Asuria nyaka chil kawuono.

Ayub 36:26

Duong’ mar Nyasaye odhiero dhano ng’eyo, kendo kata hike ok wanyal kwano.

Zaburi 135:5

Ang’eyo ni Ruoth Nyasaye duong’ moloyo nyiseche duto.

Zaburi 145:3

A Ruoth Nyasaye iduong’, omiyo nyaka paki ahinya. Adier, duong’ni odhiero ji ng’eyo.

Zaburi 2:9

Iniritgi gi ludh nyinyo, kendo initogi matindo tindo ka mbalatago.’ ”

Zaburi 48:1

Ruoth Nyasachwa duong’! Omiyo nyaka apake ahinya e dalane manie wi gode maler.

Zaburi 96:4

Ruoth Nyasaye duong’, kendo nyaka pake malich! Adier, nyaka miye duong’ moloyo nyiseche mamoko duto,

Isaya 28:16

To koro Ruoth Nyasaye wacho kama: “Winjuru! Abiro keto kidi mar mise e Sayun, mondikie ni, ‘Ng’ama oyie ok norikni.’ En kidi motegno, moyier, ma nengone tek, momako kor ot.

Daniel 2:24

Emomiyo Daniel nodhi ir Ariok mane ruoth oseketo mondo oneg jong’ad rieko mag Babulon, mi owachone niya, “Kik ineggi, to tera ir ruoth mondo alokne tiend lekne.”

Daniel 2:28

to nitie Nyasaye e polo malo ma elo tiend midhierni. En ema osenyisi, in ruoth Nebukadnezar, gik ma biro timore e kinde mabiro. Koro mae fweny mane ineno e lek kinindo.

Daniel 2:29

“Ruoth, kane inindo, to ne ileko gik mabiro timore, kendo Nyasaye maelo tiend midhierni, nonyisi gima biro timore.

Daniel 2:44

E kinde loch ruodhigo, Nyasach Polo nokel loch moro ma ok norum. Onge ng’ama noketh lojno, to en ema noketh loch mamoko duto, mi otiek chuth. En to nosik kogurore nyaka chieng’.

Daniel 8:25

To nikech oriek, yorene mag miriambogo biro miyo otimo gimoro amora modwaro. Enobed jasunga kendo notiek ji mathoth apoya. Kata mana Ruodh Ruodhi bende nopiemgo, to ruodhno ema notieke, to ok gi lwet dhano.

Hagai 2:22

Analok loch ruodhi, mi aketh teko mag pinje mamoko, kendo anago geche mag lweny piny, kaachiel gi joithgi. Ng’ato ka ng’ato noked gi wadgi, mi farese kod joma idhogi nonegi.

Zekaria 12:3

Chieng’no ka ogendini duto mag piny ochokore mondo omonj Jerusalem, to naloke obed mapek ka kidi, ma onge ng’ama nyalo ting’o, kendo ogendini duto motemo ting’e, nohinyre marach.

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Mathayo 21:24

To Yesu nodwokogi niya, “An bende abiro penjou gimoro achiel kende, kendo ka udwoka to eka abiro nyisou kuma ayudoe e teko ma atimogo gigi.

Mathayo 24:35

Polo gi piny norum. Wechena to ok norum ngang’.

Luka 17:20

Jo-Farisai moko nopenjo Yesu chieng’ ma Loch Nyasaye nobie. Nodwokogi niya, “Onge ranyisi ma ji biro neno manyiso chieng’ ma Loch Nyasaye biroe.

Rapar mar Chik 10:17

nimar Ruoth Nyasaye ma Nyasachu en Nyasaye moloyo nyiseche duto, kendo Ruoth moloyo ruodhi duto. En Nyasaye maduong’ kendo malich miwuoro. En kende e Nyasaye miluoro, ma ok dew wang’ ng’ato, kendo ma ok cham asoya.

Fweny 1:19

Omiyo koro ndik gik miseneno duto, ok mana gik mantie kende, to gik mabiro timore achien bende.

Fweny 19:17

Eka ne ang’iyo wang’chieng’ mi aneno malaika moro kochung’ kuno. Ne okok matek ni winy duto mane huyo e kor polo niya, “Chokreuru ubi e sawo maduong’ mar Nyasaye,

Fweny 4:1

Bang’ mano, ne arango polo, mi aneno dhoot moro moyawore e polo, kendo dwol machalo gi dwond tung’ mane akwongo winjo kawuoyo koda cha, nowachona niya, “Bi malo ku, mondo anyisi gik mabiro timore bang’ magi.”