Daniel 2:40 - MUMA MALER 2015

⁴⁰ Eka bang’e nobedie ruoth mar ang’wen maratego ka nyinyo. Kaka nyinyo turo gik moko duto, kendo rego, e kaka obiro turo ruodhi mokwongone tiyo duto.

Motingʼo Loko Manyien

⁴⁰ Mogik, pinyruoth mar angʼwen matek ka chuma nobi, nikech chuma toyo kendo rego gimoro amora, to kaka chuma toyo gik moko matindo tindo, e kaka en bende obiro rego kendo toyo pinyruodhi mamoko duto.

Daniel 2:40 ပူးပေါင်းရင်းမြစ်များ

Ayub 9:17

Okuma malit kuom gima onge ndhathe, kendo omedo goya kayiem.

Jeremia 15:12

Onge ng’ama nyalo turo chuma, to moloyo chuma monywas gi mula, moa e piny ma yo nyandwat.”

Daniel 2:33

Ogwendene to nolos gi nyinyo mokikore gi lowo.

Daniel 2:39

Ka isetho, to ruoth moro nobedie, ma lochne ok nobed maduong’ ka mari. Bang’ mano ruoth mar adek nobedie, ma nobed gi loch kuom piny duto. (En ema em gi nungo mar mula nyiso.)

Daniel 2:41

Bende ne ineno ni tiend kidono gi lith tiendene ne olos gi nyinyo mokikore gi lowo. Mano nyiso ni nobed piny moting’o ogendini mopogore opogore. Kuonde moko ei pinyno nobed matek ka nyinyo, nikech tiend kidono nolos gi nyinyo, mokikore gi lowo.

Daniel 7:7

Bang’ mano, kane pod aleko, ne achako aneno ondiek mar ang’wen. Ne onenore malich ahinya, kendo ne en gi teko mang’eny. Bende ne en gi leke madongodongo mag chuma, kendo ne osiko ochiemo achiema konyono gimoro amora modong’ e piny. En ne ok ochal gi ondiegi adek mamoko ka, kendo ne en gi tunge apar.

Daniel 8:24

Enobed gi teko mathoth, to tekono ok nobed mare owuon. Enokel masira malich, to gimoro amora motimo nodhi maber. Enotiek joma rateke kaachiel gi jo-Nyasaye.

Daniel 9:26

to e gikone, ng’at ma Nyasaye oseyiero noneg kayiem. Oganda lweny mar jatelo moro nobi, mi keth Jerusalem gi Hekalu. To giko nobi ma mwomore ka ohula, kendo lweny gi masira nobedie mana kaka Nyasaye nochiko.

Amos 1:3

Ruoth Nyasaye nowacho niya, “Jo-Damaski osetimo richo mang’eny, omiyo abiro kumogi mak orem, nikech gisesando jo-Gilead gi sand malit, ka giywayo kuomgi bepe mogurie musmande mabitho midinogo cham.

Johana 11:48

Ka waweye odhi nyimekamano, to ji duto biro yie kuome, kendo jo-Rumi dibi, mi keth Hekaluwa, kendo tiek jowa duto.”