Daniel 2:37 - MUMA MALER 2015

³⁷ Jaduong’, in e ruoth maduong’ie moloyo ruodhi duto. Nyasach polo oseketi ruoth, mi omiyi loch gi teko kod duong’,

Motingʼo Loko Manyien

³⁷ Yaye ruoth, in e ruoth mar ruodhi. Nyasach polo asemiyi loch gi teko gi nyalo kod duongʼ;

Daniel 2:37 ပူးပေါင်းရင်းမြစ်များ

1 Ruodhi 4:24

Solomon noloyo ruodhi kod pinje duto koa yo milambo mar aora Yufrate, chakre Tifsa nyaka Gaza, mi nobedo gi kue e tong’ pinye duto.

2 Ruodhi 25:28

Evil-merodak norito Jehoyachin gi ng’wono, kendo ne omiye luor maduong’ moloyo ruodhi duto mane ni Babulon e tuech.

2 Weche mag Ndalo 36:23

ni Kuros ruodh Persia, owacho kama: “Ruoth Nyasaye ma Nyasach polo osemiya loch kuom pinje duto, kendo osechika mondo agerne ot Jerusalem, manie piny Juda. Ng’ato ang’ata kuomu ma en achiel kuom joge nyalo dhi, kendo Ruoth Nyasaye ma Nyasache mondo obed kode.”

Ezra 1:2

“Ruoth Nyasaye ma Nyasach polo osemiya loch kuom pinje duto, kendo en owuon osechika mondo agerne Hekalu Jerusalem e piny Juda.

Ezra 7:12

“An Artaxerxes, ruodh ruodhi andiko ni Ezra, jadolo kendo japuonj chik, mong’eyo chike Nyasach polo, ka awacho kama:

Zaburi 62:11

Pile asewinjo ka Nyasaye wacho ni teko duto gin mage,

Ngeche 8:15

Akonyo ruodhi rito pinjegi, kendo akonyogi loso chike mabeyo.

Isaya 10:8

Owacho niya, “Donge jotenda duto gin ruodhi?

Isaya 47:5

Yaye, dala maduong’ mar jo-Kaldai, bed kiling’ thi, kendo gumbi idhiyo e mudho mandiwa, nimar ok nochak oluongi ni min pinje mang’eny.

Jeremia 28:14

Ruoth Nyasaye Manyalo Gik Moko Duto kendo ma Nyasach Israel osewacho ni obiro keto jok mar nyinyo kuom ogendini duto, kendo giniti ni Nebukadnezar ruodh Babulon. Bende osewacho ni obiro miyo kata mana le mae bungu ti ni Nebukadnezar.”

Jeremia 34:1

Ruoth Nyasaye ma Nyasach Israel nowuoyo gi Jeremia kane oyudo Nebukadnezar ruodh Babulon gi ogandane mar lweny kod jolweny mag ogendini mamoko, kaachiel gi mag pinje duto mane ni e bwo lochne omonjo Jerusalem kod mier mokiewo kode.

Ezekiel 26:7

“An Ruoth Nyasaye awacho kama: Abiro kelo Nebukadnezar ruodh Babulon ma ruoth maduong’ie moloyo ruodhi duto mondo omonji, in Turo. Enobi kowuok yo nyandwat gi oganda lweny maduong’ kod farese gi geche lweny, kaachiel gi joidh farese.

Daniel 1:2

Ruoth Nyasaye nochiwo Jehoyakim e lwet Nebukadnezar, kaachiel gi gik lemo moko mane pod odong’ ei Hekalu, Jerusalem. Ruoth Nebukadnezar nokawogi, moterogi Babulon ei hekalu mar nyisechene, mi okano gik Hekalu mane oyakogo e od kenone.

Daniel 2:31

“Ruoth ne ileko ni ineno kido moro marabet, marieny, kendo malich kirango.

Daniel 2:44

E kinde loch ruodhigo, Nyasach Polo nokel loch moro ma ok norum. Onge ng’ama noketh lojno, to en ema noketh loch mamoko duto, mi otiek chuth. En to nosik kogurore nyaka chieng’.

Daniel 4:19

Kane Daniel ma nyinge moro en Belteshazar, owinjo wachno, ne obwok mi chunye ochandore ma ok onyal wacho gimoro. Ruoth nowachone niya, “Belteshazar, kik iwe chunyi chandre nikech lekno kata ne gima tiende nyiso.” Belteshazar nodwoke niya, “Ruoth dobedo maber ka lekno kod tiende odok ni wasiki!

Daniel 4:22

“Ruoth, in e yadhno! Irabora kendo itegno. Tekoni osedongo mochopo e polo, kendo lochni okwako piny ngima.

Daniel 4:25

Ibiro chamo lum gi dhogi ka dhiang’ kendo ininind oko kama tho nomokie kuomi kuom higni abiriyo. Bang’e ining’e ni kara Nyasaye Maduong’ Moloyo ema nigi loch kuom piny duto mae piny, kendo onyalo keto ng’ato ang’ata modwaro obed ruoth.

Daniel 4:3

“Ranyisi mag Nyasaye dongo manade! Honni motimo nigi teko malich miwuoro! Lochne osiko nyaka chieng’.

Daniel 4:32

Ibiro riembi ia kuom ji, kendo ibiro dak mana gi le, kichamo lum gi dhogi ka dhiang’ kuom higni abiriyo. Bang’e ining’e ni Nyasaye Maduong’ Moloyo ema nigi loch kuom pinje duto mae piny, kendo ni onyalo keto ng’ato ang’ata modwaro obed ruoth.”

Daniel 4:34

To kane higni abiriyogo oserumo, an Nebukadnezar ne ang’iyo polo malo, mi parona oduogo. Ne apako Nyasaye Maduong’ Moloyo ma osiko nyaka chieng’, mi amiye duong’ gi luor, ka awacho niya, “Lochne osiko nyaka chieng’.

Daniel 5:18

“Nyasaye Maduong’ moloyo noketo Nebukadnezar kwaru obedo ruoth maduong’ man gi teko kod duong’.

Daniel 7:14

Eka ne oyudo teko gi duong’ kod loch mar rito piny, mondo ji manie piny ngima, bed ni gia e dhoot mane, kata giwacho dhok mane, otine. Tekone ne biro bedo mosiko, kendo lochne bende ne onge ng’ama nyalo ketho.

Hosea 8:10

To koro abiro chokogi mondo akumgi! Piyopiyo nono gibiro neno malit ka ruodh Asuria sandogi.

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

Johana 19:11

To Yesu nodwoke niya, “Ok dibedo gi teko kuoma kata matin, ka da ok tekono obironi koa malo. Kuom mano, ng’at mane oketa e lueti nigi richo moloyo.”

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 19:16

En gi nying moro mondiki e lawe kendo eme ni, “Ruodh ruodhi, kendo Jaduong’ jodongo.”

Fweny 4:11

“A Ruodhwa kendo Nyasachwa! Owinjore miyi duong’ gi pak kod teko, nikech in ema nichueyo gik moko duto. Adier, in ema ne imiyo ochuegi, kendo gisiko gintie.”

Fweny 5:12

Ne giwer matek niya, “Nyarombo mane onegi owinjore yud teko gi mwandu gi rieko gi loch kod luor gi duong’ kod pak!”