Daniel 2:34 - MUMA MALER 2015

³⁴ E sa mane irangee, kidi maduong’ nomukore kende e got moro, ka onge ng’ama omule, mi ogoyo tiend kido mane olos gi nyinyo kod lowono, mi oturo matindotindo.

Motingʼo Loko Manyien

³⁴ Kane oyudo irange, lwanda moro ne omuki, to ok gi lwet dhano. Lwandano notuomo kido mochweno gi yo ka tiendene mane olos gi chuma gi lowo, mi otoyogi matindo tindo.

Daniel 2:34 ပူးပေါင်းရင်းမြစ်များ

Zaburi 118:22

Kidi mane jogedo odagi, ema koro osedoko kidi motegno moriwo kor ot.

Isaya 28:16

To koro Ruoth Nyasaye wacho kama: “Winjuru! Abiro keto kidi mar mise e Sayun, mondikie ni, ‘Ng’ama oyie ok norikni.’ En kidi motegno, moyier, ma nengone tek, momako kor ot.

Isaya 60:12

Ogendini gi pinje motamore tiyoni biro lal nono, mi kethre chuth.

Isaya 8:9

Un ogendini, ng’euru ni ibiro negou! Chikuru itu, un pinje man kuonde maboyo, nimar kata umanoru gi gi lweny, to pod nonegu anega.

Ezekiel 32:28

“To un jo-Misri, unurieru piny ka utur e kind ogendini ma ok ter nyangu, mane onegi e lweny.

Ezekiel 47:5

Ne ochako opimo mita mia abich, to koro aora nodoko matut mane ok anyal yoro, mak mana ka agoyo abal.

Daniel 2:33

Ogwendene to nolos gi nyinyo mokikore gi lowo.

Daniel 7:27

Eka teko kod duong’ mar ruodhi duto mae piny nochiw ni jo-Nyasaye Maduong’ Moloyo. Tekogi mag loch mar rito piny nosik mochwere, kendo ruodhi duto mae piny nobed katiyonigi kendo miyogi luor.”

Daniel 8:25

To nikech oriek, yorene mag miriambogo biro miyo otimo gimoro amora modwaro. Enobed jasunga kendo notiek ji mathoth apoya. Kata mana Ruodh Ruodhi bende nopiemgo, to ruodhno ema notieke, to ok gi lwet dhano.

Zekaria 12:3

Chieng’no ka ogendini duto mag piny ochokore mondo omonj Jerusalem, to naloke obed mapek ka kidi, ma onge ng’ama nyalo ting’o, kendo ogendini duto motemo ting’e, nohinyre marach.

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Johana 1:13

Ne onywolgi kuom Nyasaye, to ok kuom anywola, kata kuom gombo mar ringruok, kata kuom dwaro mar dhano.

Tich Joote 4:11

Yesu ema Muma wuoyo kuome ni, ‘Kidi mane un jogedo udagi ema koro osedoko kidi motegno moriwo kor ot.’

2 Jo-Korintho 5:1

Wang’eyo ni ka ringrewa, ma en kiru mwadakie e pinykani, omuki, to wan gi ot ma Nyasaye osegeronwa e polo. En ot mosiko nyaka chieng’, ma ok oger gi lwet dhano.

Jo-Hibrania 9:24

Awacho kamano nikech Kristo ne ok odonjo Kama Ler molos gi lwedo, ma en mana kido mar Kama Ler hie, to nodonjo e polo hie, mondo koro ochung’nwa e nyim Nyasaye.

1 Petro 2:7

Un joma uyie ema ung’eyo ni kidino nengone tek, to joma ok oyie to, “Kidi mane jogedo odagi osedoko kidi motegno moriwo kor ot.”

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.