Daniel 2:32 - MUMA MALER 2015

³² Wiye ne olos gi dhahabu maler, to kore kod bedene ne olos gi fedha, kendo nungone gi eme ne olos gi mula.

Motingʼo Loko Manyien

³² Kido mochweno ne olos gi dhahabu lilo, to kore gi bedene nolos gi fedha. Bund iye gi embene to nolos gi nyinyo,

Daniel 2:32 ပူးပေါင်းရင်းမြစ်များ

Isaya 14:4

to ginigo agoro ni ruodh Babulon ka giwer kama: “Neyeuru kaka giko mar josand ji chalo, kendo kaka sungane otieki.

Jeremia 51:7

Babulon ne chalo gi kikombe mar dhahabu manie lweta, mamiyo piny duto mer. Ogendini nomadho divai manie iye, mi wigi okethore.

Daniel 2:33

Ogwendene to nolos gi nyinyo mokikore gi lowo.

Daniel 4:22

“Ruoth, in e yadhno! Irabora kendo itegno. Tekoni osedongo mochopo e polo, kendo lochni okwako piny ngima.

Daniel 4:30

mowacho niya, “Neye kaka Babulon duong’! Ne agere gi tekona awuon mondo obed dalana maduong’ kendo anyisigo tekona gi duong’na.”

Daniel 5:28

POGRUOK nyiso ni pinyi osepogi, mi omi jo-Media gi jo-Persia.”

Fweny 17:4

Dhakono norwako law maralik gi makwar, kendo nolichore gi dhahabu kod kite ma nengogi tek, kod lulu. To e lwete noting’oe kikombe mar dhahabu mopong’ gi gik modwanyore kod gik mochido mag terruokne.