Daniel 2:29 - MUMA MALER 2015

²⁹ “Ruoth, kane inindo, to ne ileko gik mabiro timore, kendo Nyasaye maelo tiend midhierni, nonyisi gima biro timore.

Motingʼo Loko Manyien

²⁹ “Kane oyudo inindo kanyo, yaye ruoth, pachi nolokore momako gik mabiro timore, kendo Jal mafwenyo tiend midhierni nonyisi gik mabiro timore.

Daniel 2:29 ပူးပေါင်းရင်းမြစ်များ

Chakruok 41:25

Josef nowacho ni Farao niya, “Leknigo tiendgi achiel. Nyasaye osenyisi gima obiro timo.

Ezekiel 38:10

Ruoth Nyasaye nomedo wacho ni Gog niya, “Ka kindeno ochopo, to inibed gi paro marach.

Daniel 2:22

Ofwenyo gik matut kendo mopondo, bende ong’eyo gik ma opand e mudho, kendo ler olwore koni gi koni.

Daniel 2:23

In Nyasach kwerena, apaki kendo amiyio duong’. Isemiya rieko gi teko, kendo idwoko kwayona, ka inyisowa gima onego wawachi ni ruoth.”

Daniel 2:28

to nitie Nyasaye e polo malo ma elo tiend midhierni. En ema osenyisi, in ruoth Nebukadnezar, gik ma biro timore e kinde mabiro. Koro mae fweny mane ineno e lek kinindo.

Daniel 2:45

Ne ineno kaka kidi omukore kende ma onge ng’ama omule, kendo nineno kaka ne otuomo kido molos gi nyinyo gi mula gi lowo gi fedha kod dhahabu. Kamano Nyasaye Maduong’ nyisi gik mabiro timore e ndalo mabiro, kendo koro asenyisi ratiro gima nyocha ileko, bende asenyisi tiende.”

Daniel 2:47

Nowacho ni Daniel niya, “Nyasachi e Nyasaye maduong’ie moloyo nyiseche mamoko duto, kendo en e Ruodh ruodhi. En ema oelo tiend midhierni. Ang’eyo kamano nikech osemiyi teko mar fwenyo tiend wachni.”

Amos 4:13

Nyasaye ema noloso gode, kendo ochueyo yamo. Onyiso dhano parone, bende oloko ler mar odiechieng’ bedo mudho. En e ruodh piny duto, kendo nyinge en Ruoth Nyasaye Manyalo Gik Moko Duto.