Daniel 2:25 - MUMA MALER 2015

²⁵ Eka Ariok nokawo Daniel piyopiyo motero ir ruoth, mi owachone niya, “Ruoth, eri aseyudo ja-Juda moro manie tuech ka, manyalo nyisi tiend lekni.”

Motingʼo Loko Manyien

²⁵ Ariok notero Daniel ir ruoth sano, kendo nowacho niya, “Aseyudo ngʼat moro moa e dhood Juda, manie twech e pinywa, manyalo nyiso ruoth tiend lekneno.”

Daniel 2:25 ပူးပေါင်းရင်းမြစ်များ

Chakruok 41:14

Kane Farao owinjo kamano, nooro wach mondo okelne Josef, mi ne gikele piyopiyo ka gigole e od twech. Noliedo, moloko lepe, eka nobiro ir Farao.

Nehemia 7:6

Magi e weche mane ayudo kondiki e kitabuno: Kuom jo-Juda mane Nebukadnezar ruodh Babulon odaro motero e tuech, magi e joma noduogo Jerusalem gi Juda, ng’ato ka ng’ato e dalagi.

Ngeche 24:11

Kineno ng’at ma ji dwaro nego, to rese piyopiyo.

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Daniel 1:6

Kuom joma ne oyiergo ne nitie yawuot jo-Juda ma nyinggi Daniel gi Hanania gi Mishael kod Azaria.

Daniel 5:13

Kamano nokel Daniel piyopiyo e nyim ruoth, mi ruoth nopenje niya, “In e Daniel ma achiel kuom jo-Yahudi mane kwara odaro e piny Juda, mokelo e tuech ka koso?

Daniel 6:13

Eka ne giwachone niya, “To Daniel, ma achiel kuom jo-Juda mane odar nokel ka, ok dwar winjo wachni, kendo otamore rito chik mane igolo, nikech olamo Nyasache didek e odiechieng’ achiel.”